立場新聞 Stand News

發叔同唔同意組黨? 侯志強:請佢握手示意 連揸幾下唔知咩意思

2016/4/7 — 12:23

鄉事勢力成立新政黨「新進步聯盟」,近日變成兩派當面對質,衡突全面浮現。外界關注久未露面的「新界王」前鄉議局主席劉皇發,對組黨的取態。牽頭組黨的上水鄉事委員會主席侯志強出席港台節目後指,早前到醫院探望劉皇發,向他表達有意組黨和詢問他的意見,對方「講嘢唔方便」,侯志強曾請他握手示意,「我同佢講,若果支持你就握握隻手,唔支持,你就放手喇。佢連續揸幾下,又唔知咩意思。」

侯志強形容自己「渺小」,否認有中聯辦和建制派與他們商討組織一事。

侯志強指出,劉皇發早前已出院,但近日又返回醫院再檢查。有記者問到侯志強有否向他交代組黨的事,「佢講嘢唔方便,我都同佢講,喂,發叔,我哋想搞黨,你點情況?支持唔支持?他又無咩反應。」

廣告

侯志強說,由於不明所以,於是請發叔以握手表達組黨意願,「我又同佢講,若果支持,你就握下隻手,唔支持,你咪就放手喇…佢連續揸幾下,又唔知咩意思,我又話支持,你就揸下手,唔支持你就放手喇,佢『達達達』咁連揸幾下。無講到嘢,哈哈哈。」

侯志強又說,15個反對他以鄉議局名義組黨的鄉委會是自己的親人,並非敵人,大家都希望為村民服務。他重申組黨是由於鄉議局屬諮詢機構,非權力核心,形容做起事來有制肘。

廣告

不獲北京祝福?侯志強:懷疑啫

侯志強出席電視節目時又指出,籌組新政黨不代表與鄉議局斷絕關係。他形容鄉議局是一個「大家庭」,即使組黨,他們的關係亦不變,「我哋都要認祖歸宗,不會脫離呢個家庭。」對於有指北京不支持鄉事組黨,侯志強說:「懷疑啫,天空海闊你鍾意點飛都得,無可能用個籠罩住人,唔畀人哋飛。大家一齊飛,你有你嘅翱翔,我有我嘅虎瞰。」

他表示,4月25日將舉行酒會,屆時會宣布新政黨的理念和組織架構。

反對組黨的沙田鄉事委員會主席莫錦貴今早在商台指出,侯志強等人不應以鄉議局名義組黨,因為根據鄉議局條例,是不能組黨。他又不認為,鄉事組黨不代表能夠爭取更多權益,既然大家都是鄉議局成員,鄉議局無法辦到的事,他不相信有人在家無法辦到」,但外出後會變成「武林高手」。

相關報道:港台now

 

 

發表意見