立場新聞 Stand News

白手指南:監獄還押及服刑細則解說

2019/7/31 — 20:26

【下載:http://bit.ly/prisonguideline

抗爭持續到第八個星期,已經有百幾位手足曾經被捕,有至少六位義士已經「未審先囚」,目前被還押喺荔枝角收押所,到佢哋重獲人生自由個一刻,好可能已經係兩年之後嘅事。

相信大家都唔難預計得到,未來嘅濫捕起訴陸續有嚟,而睇到四十幾位手足被起訴嘅新聞,有兩位仲要係負起跌低嘅女仔都照樣被落charge —— 只證明即使你唔喺前線衝,就算係和理非,由16歲到60歲,都一樣有機會俾律政司用暴動罪名落案檢控。

廣告

所以呢,了解審訊、還押監禁嘅程序以及環境,喺今時今日黑警大__曬嘅香港,係而家香港人當務之急需要準備嘅事。正因為咁,好想將呢一份過去內部傳閱嘅手冊公開比大家。

感謝目前在囚黃浩銘 Raphael Wong幫手,聯同參與在囚支援嘅朋友*提供意見,喺幾個月前寫成呢一本廿頁既手冊,希望能夠比合共超過五十位面對起訴嘅義士同埋佢哋嘅親人,仲有咁多位隨時有機會俾政府捉入去坐監嘅手足,可以有多啲嘅理解。

廣告

如果大家對於監獄服刑有乜嘢疑問,作為一個上個月先係荔枝角出嚟,以及少數喺青少年監獄服過刑嘅過來人,都歡迎大家私下PM問我,希望可以幫到大家。

天佑香港,天佑義士。

*張超雄 (Fernando Cheung)議員辦事處、區諾軒 Au Nok-hin議員辦事處、社會民主連線、香港眾志 Demosistō

原刊於作者FB

發表意見