立場新聞 Stand News

監察區議員新手指引

2015/11/24 — 21:17

【文:吳雅姍】

區議會選舉塵埃落定,無論你既區議員係N屆自動當選、係傘兵、建制派還是泛民,區議會無市民既監察,任何黨派既議員都可以不顧市民聲音而自把自為。所以,請你由自己開始,監察你既區議員。

A)找出你的區議員
要監察,首先你要知道你個議員係邊度,包括:

廣告

佢個辨事處係邊?辦公時間係點?會唔會成人無人?

佢有咩熱線電話、SMS、LINE、WHATSAPP、FACEBOOK比市民容易聯絡到?
佢有無定期既街站同市民見下面?街站位置又係邊?

廣告

大家可試下用不同方法聯絡及問候下你既區議員,睇下佢對市民有幾願意回應,到底係歡迎與市民交流,定係十問9唔應?

B)留意區議員既政綱及工作報告

唔該唔好再將議員寄比你既單張同工作報告攞去墊煲底,議員選舉既時候應承大家好多野,個個都話要共建美好社區,平時就算唔得閒監督個議員,起碼都要望下個工作報告,睇下佢有無兌現選舉承諾,係咪真係做左D咩好野黎建設美好社區,如果無,大家就應該積極投訴令議員知道你不滿佢貨不對辦,甚至利用選票要佢最後埋單找數。

C)善用區議會會議紀錄

想知道你既區議員開會個時到底講左D咩,有無偷懶同恰眼瞓?

區議會網站幫到你: http://www.districtcouncils.gov.hk/

1)出席率

跟著以下步驟就可搵到各位議員既出席記錄:

區議會主頁→點撃所屬地區 (E.g.中西區) →區議會會議→區議員出席記錄

2)會議記錄

跟著以下步驟可搵到區議會各年度既會議記錄:

區議會主頁→點撃所屬地區(E.g.中西區)→區議會會議→區議會大會

從會議記錄可直接睇到區議員

—曾經提出什麼動議
—反對或讚成過什麼議案
—發表過D咩言論

3)區議會撥款

跟著以下步驟可搵到區議會各年度既撥款使用情況:

區議會主頁→點撃所屬地區(E.g.中西區)→區議會會議 →委員會→財務委員會 

記錄有齊區內所有撥款既分配以及申請情況。如果你對區會既撥款有疑問,又或者唔同意議員既某些議案,就應該用你知道既聯絡方法,直接質詢你當區既區議員。

D)對區議員施加壓力

如果區議員對你提出既意見或者質詢係「意見接受,態度照舊」,甚至響度hae你,你可以考慮用以下方法,向佢施加壓力:

1、組織其他不滿既居民,成立監察小組,甚至連結其他監察組織,務求「車輪戰」咁嘈佢
2、將你發現有問題既事情,通過不同渠道發佈出黎,令更多人知道,包括發公開信比其他同區居民、安排居民大會、網上發佈、找媒體報導等等
3、向區議會秘書處以及民政事務總署投訴

 

作者簡介:重奪區議會;是個探討現存區議會怪現象的紀錄片;如何在民政署手中奪回香港地區的規劃權。 facebook page

發表意見