立場新聞 Stand News

盧寵茂倒地:由「被人推/踢」變「撞到啲嘢」

2015/7/30 — 12:39

【30/07/2015 17:09 更新】

警方昨日向傳媒公布稱,警方接獲盧寵茂報案,指「被碰撞」引致腳部受傷,之後在停車場被擲水樽,案件列作「聲稱襲擊」及「普通襲擊」案處理。

但盧寵茂今日在醫院見傳媒時表示,自己並無報警,是有其他人報案,他作為證人警方為其錄口供。

廣告

【報道原文】

港大校委盧寵茂,前晚在港大學生圍堵校委會行動中跌倒地上,警方列作「聲稱襲擊」及「普通襲擊」,由重案組跟進。究竟盧寵茂為何會跌倒,眾說紛紜,而盧寵茂自己的說法亦不斷改變:

廣告

7月28日

當晚,學生衝入校委會會議室,盧寵茂在混亂中跌倒,李國章趨近察看。多家傳媒報道,李國章當晚引述盧寵茂說,是有人推他令他「屈親隻腳」,而《星島日報》翌日頭版報道中,更指「李國章其後引述盧寵茂稱,是受到學生推撞令他跌倒『屈親隻腳』」。

盧寵茂被救護員用輪椅推出鈕魯詩樓時,一度因示威人士阻撓無法登上救護車,他指有人向他擲水樽,如是港人學生他感到很羞恥,又指學生衝入會場無法無天,但並無說及自己為何跌倒。

7月29日

翌日,無綫新聞以電話訪問盧寵茂,盧表示當時「好似畀人踢」:「我感覺到右邊膝頭哥,好似畀人踢咗一腳,咪跌低。(記唔記得係咩人踢你呢?)我真係唔知,睇唔到,周圍實在太混亂。」(無綫電話訪問

同日,警方公佈稱,接獲港大醫學院教授盧寵茂報案,指昨晚在校委會會議在一個房間「被碰撞」令腳部受傷,之後在停車場被擲水樽,警方列作「聲稱襲擊」及「普通襲擊」,案件西區重案組跟進。

7月30日

盧寵茂接受商台《在晴朗的一天出發》訪問,指自己最初以為「有人踢我」,但再度回想,當時現場有很多人帶著相機、攝影用梯,認為自己無法判斷是否有人踢他,所以只能說自己「隻腳係碰到一啲嘢」。他又強調,自己從無說過是學生或任何人推他,亦不打算特別追究。

其實最客觀嗰樣嘢就係,我感覺到我膝頭哥好痛,撞到啲嘢。喺嗰個場合之下,我又唔係睇住隻腳,淨係知道有嘢撞到我膝頭哥,咁到底係人撞親啲定啲咩嘢,當時啲人係帶住啲相機、啲梯。最初我自己感覺就梗係有人踢到我,但收尾我諗吓呢,亦都係有好多人帶住啲相機,甚至有啲應該係記者朋友,攞住啲梯。咁所以呢,我就冇辦法去判斷,係有人踢到我定乜嘢,總之我隻腳係碰到一啲嘢,嗰個係我舊患,特別容易受傷。

(出事後大家指是學生推倒你?)我無講過,我無講過。我從來無講過話係學生推倒我,亦都冇話係人推倒我,由頭到尾都係話我隻右邊腳覺得撞到啲嘢,好痛,所以當場跌低。

 

發表意見