立場新聞 Stand News

真普選醫生聯盟 望醫生打破冷淡 全票投十九人入閘選委

2016/10/30 — 12:02

圖片來源:朝雲

圖片來源:朝雲

【圖/文:朝雲】

29/10 真普選醫生聯盟,望醫生打破冷淡,全票投十九人入閘

誓不投梁振英,拒絕造王,理念先行。歐耀佳:我地要 sell 嘅唔係知名度,係 sell 個心

廣告

***

歐耀佳、黃任匡、鄺葆賢等十九位醫生,合組成「真普選醫生聯盟」。銳意全數登陸選委會,爭取真普選,重啟政改。

廣告

他們希望所有特首參選人,都承諾推動無篩選的真普選,施政以港人馬首是瞻。「我地唔講 ABC,踢走梁振英只係最低要求。」

歐與黃都批評,選委會的特權和封閉,變相淪為政治交易,而且選後無從監察,他們冀改變陋弊,向全港市民負責。

醫學界選委素由名醫把持,但真醫聯不擔心選情,認為投票率一直低迷,如能以身作則,改變同行的沉默,可望逆轉劣勢。

歐耀佳強調,眾人的名氣或不及名醫響亮,但他們多在公立醫院工作,深諳民間疾苦,「我地要 sell 嘅唔係知名度,係 sell 個心。」

***

他們亦強調理念先行,不會為阻梁振英連任,就為人作嫁,「含淚」投給未如理想的人。

鄺葆賢解釋堅持原則,不會使梁漁人得利。因為根據選舉條例,特首當選必須達 601 票,只要誓不投梁,就能遏止他連任的機會。

她說:「如果當年醫學界選委冇投票俾梁振英,佢就唔叫 689,而係叫 674。」(黃任匡欣賞地向鄺豎起姆指)

黃任匡說:「應該由候選人說服選民,俾到乜嘢我地;唔係推某個人上位,黃袍加身。造王的話選民必須妥協,但香港人已作出太多妥協。」

「真普選已經係我地最後最後嘅底線。我地冇得再退後,冇得再妥協。候選人達到依個底線,我地先會考慮。」

***

記者請他們臧否現已考慮或表態參選的人物。黃認為胡國興的政綱仍較空泛,例如重啟政改,固屬好事,但新方案則未見端倪,要拭目以待,再行定奪。

而曾俊華「當然好過梁振英--但邊個唔好過梁振英呢?」回望他亦勸過市民「袋住先」、「always agree with your boss」,尚待他出選後清楚表態。

至於葉劉,「佢冇講過自己理念,不斷踩人咗喎。」

他們透露真醫聯只是先頭部隊,護理界、建築界等,都有同類的隊伍正在籌備。他們將互相連結,力圖打破壟斷。

圖片來源:朝雲

圖片來源:朝雲

圖片來源:朝雲

圖片來源:朝雲

兩代人

***

張臻善是十九人中最年輕的成員,港大醫學院畢業後,在公立醫院工作,其顏值之高惹人注意。

參與過佔中的他說,無論街頭抑或制度,任何形式的抗爭都值得一試,「總之做任何嘢增加統治者嘅成本,增加佢地嘅麻煩,都係好辦法」。

「政治係生活嘅一部份,好多人已經行得好前。街頭抗爭也好,傳統路線也好,既然專業界別有機會可以成為選委,我認為係一個契機,將年輕人嘅聲音帶入去。」

***

李盈姿則是十九人中唯一牙醫。她自謂過去無知,「相信五十年不變」。身為基督徒的她,早已移民紐西蘭,但仍毅然回流事奉故國,到內地扶貧。

她說回流之前,紐西蘭的朋友警告過她,何必重回共黨政權。當時她不諳政治,不以為意,但到切身處地,終於體會到種種問題而醒悟,明白民主的重要。

張臻善(圖片來源:朝雲)

張臻善(圖片來源:朝雲)

李盈姿(圖片來源:朝雲)

李盈姿(圖片來源:朝雲)

 

發表意見