立場新聞 Stand News

【睇叮噹學投票】靜宜:選舉講信任,唔係靠利益威嚇

2015/11/26 — 13:50

叮噹片段截圖

叮噹片段截圖

區議會選舉啱啱投完票,昨日 CCTVB 就播出一集《叮噹》卡通片,咁啱又講選舉,都未夠應境。動畫中,靜宜一番話,香港人一定有共鳴,佢話:「選舉並不是靠眼前物質利益或威嚇,而是投給值得信任、真正為大家著想的人。」你有冇諗起邊個先?

話說,嗰一集叫《小霸王投票》,故事係講大雄被人蝦,大家都話技安係領袖,叫佢做「小霸王」。大雄心有不甘,向叮噹求救,點知今次嘅法寶係 — 投票箱!叮噹建議搞一個「小霸王」投票,等區內街坊可以「自己領袖自己揀」。

候選人只有兩個,就係大雄同技安喇。技安攞咗阿福的玩具派街坊,大家好高興,紛紛話支持技安;大雄就出動叮噹變出美味點心,眾人又心動想轉軚。利誘行唔通,技安決定用威迫,「投俾大雄嘅人,我就打佢一身」;大雄就迫叮噹出法寶,話「如果大家投票俾技安,訓覺時會將『瀨尿尿水龍頭』裝係你地身上」。

廣告

就係呢個咁緊張嘅時候,靜宜出聲喇!佢企係兩班人中間,話:「一場選舉,唔係靠眼前嘅物質利益同威嚇,大家應該投俾值得自己信任,真正為大家著想嘅候選人。」結果 —「小霸王投票」,大雄和技安各得兩票,其餘嘅人……全部投俾靜宜。

其實,對白都講到咁顯淺,唔洗「呢個故事教訓我地乜乜乜」,大家都知道投應該係點投啦~一套卡通片,小朋友都識嘅嘢,你唔係唔識呀?

【叮噹教你乜野係選舉..】嚴重劇透,靜香好似講出左大家嘅心聲~========================8盡網絡大小事,馬上Like實我地 花生新聞 啦!Like & Share係常識啊!

Posted by 花生新聞 on Wednesday, November 25, 2015
廣告

發表意見