立場新聞 Stand News

【睇片】27 萬人看直播 陳百祥:7.21 係互毆、警察邊得閒強姦 杜汶澤:同你拗係無意思嘅

2019/11/5 — 18:48

背景圖片:RTHK影片截圖

背景圖片:RTHK影片截圖

港台電視節目《視點 31》今邀請立場對立的藝人杜汶澤及陳百祥交鋒,引起高度關注,高峰時期有逾 27 萬人同時收看 facebook 直播。雙方就警暴、年輕人等話題辯論,杜汶澤引用港大民調指香港有七成人不信任警察,陳百祥反指「我夠話有七成人支持我」,被杜再斥:「真係唔識架佢」;陳百祥早前發表警應開真槍言論,今日節目上繼續撐警,杜汶澤激動還擊:「開槍嗰個唔算無人性,支持開槍嗰個絕對滅絕人性!所以點解今日香港咁多人咁憎陳百祥,就係咁解!」

昨日港台《視點 31》預告杜汶澤與陳百祥交鋒,引起坊間巨大迴響。今日直播開始時,兩人表現較沉靜,杜汶澤形容香港正值「內戰」,陳百祥則稱過去五個月對香港來說是悲劇,「出世以嚟從來未見過咁亂」、「淨係睇到暴力」。陳百祥表示,大部分參與這場運動是九七年後出世的年青人,接受母語教育,而歷史科非必修,致「不明白中國」。

廣告

被問民調七成人不信警 陳百祥:唔信戴耀廷

熱身過後,兩人開始就警暴問題激烈交鋒。杜汶澤表示認同「叻哥」說法,「而家香港好多暴力,最暴力係警察。」陳百祥打斷:「呢個係你的睇法。」杜汶澤則引用港大民調數字,稱有七成香港人不信任警方,顯示陳百祥只是少數。「阿叻」及後回應,「你覺得係七成人,我夠話有七成人支持我。」杜汶澤露出不解神情:「民調呀,你知唔知咩係民調呀?」陳百祥再回應:「係你信啫。」杜汶澤再對鏡頭道:「癲架條友真係,真係唔識架佢。」陳百祥再解釋,自己不信民調,「我哋會信戴耀廷、陳文敏寫出嚟嘅嘢咩?」杜汶澤不解其邏輯後,陳百祥再解釋,「好似戴耀廷咁高學歷的人出嚟都唔依正規,咁仲信乜嘢呢。咪信差佬囉!」

廣告

兩人言談間一直稱反對暴力,但陳百祥又稱,一切暴力都來自示威者:「你哋唔出嚟犯事,無差人會打你,佢返工架咋。」他又強調,自己看不到警察怎樣暴力,又強調「治亂世用重典」,「無呢件事,差人返工咋,無端端出嚟打你做咩呢?佢又唔識你,無怨無仇。」杜陳二人爭吵期間,一度互相指對方永遠將黑白調轉。

杜汶澤:支持開槍絕對滅絕人性

陳百祥早前造訪警署,並聲言如果自己是警務處處長,會更早開真槍。今天他在節目上繼續強調,警員受生命威脅下,開真槍是必須,但被杜汶澤質疑:「個o靚仔揸住條膠通咋!」陳再反問:「你知係膠咩?我睇到係鐵,所以應該開槍囉!」杜汶澤怒斥:「同你拗喺無意思嘅!開槍嗰個唔算無人性,支持開槍嗰個絕對滅絕人性!所以點解今日香港咁多人咁憎陳百祥,就係咁解!」陳百祥插嘴稱「無所謂」,杜汶澤續罵:「佢係覺得人哋憎佢都無所謂的人,佢就可以講出咁樣嘅說話。」

其後主持問二人對 7 月 21 日元朗襲擊的看法,陳百祥先稱當時白衣人無攻擊性武器,後改口指只是藤條、木棍。杜汶澤反問:「鐵通喎?」陳百祥又質疑是否真實,並問對方有沒看過一段片,「我哋尊貴的林大議員帶人入去,搞人哋個家鄉 …」杜汶澤打斷,「咩家鄉呀,果度係香港,唔入得架?」陳百祥強調,「帶哂攻擊性武器呀,點會無呀,大家喺畫面見到架!」但沒解釋是什麼武器。杜汶澤總結,自己「睇到嘅係白衣人打人」,而陳百祥隨即接話:「我睇到既係打鬥,互毆,點會單方面打。你話唔係就無辦法啦!」主持嘗試打圓場,指兩人睇法很不同,杜汶澤隨即稱:「如果我係佢睇法,我死咗佢啦!」

陳百祥:警返工都無力 唔得閒強姦

杜汶澤其後一度改變「打法」,戲稱香港必須按照阿叻的建議運作,才會天下太平;又戲稱應該把所有年輕人捉去新屋嶺、強姦。陳百祥這時不同意,「呢啲咪海市晨樓囉,邊度有人得閒強姦你,佢返工都無力呀,仲要強姦你。」又再指,「你地唔好抹黑警察啦,邊度有死人呀,全部都無屍體。」

節目上陳百祥又表示,支持成立獨立調查委員會,但必須在風波完結後才成立,而且不限於調查警察,只是「查哂成件事」。杜汶澤這時說,終於和陳百祥有共通點。

支持獨立調查

節目尾聲,陳百祥向主持表示,應該多謝自己出席節目。他稱自己不欲放棄年輕人,「今日肯上嚟講下嘢,都希望一萬人入面有一個聽到我講嘢會接受。」他又指,香港已有免費教育、醫療,而且在自由度、富庶層面上,都名列前矛,「高過美國高過歐洲,你仲爭取乜嘢?」陳百祥對年輕人放話,「如果你真係知道自己爭取乜嘢,梗係好啦,但我睇唔到。」

發表意見