立場新聞 Stand News

瞇埋眼就睇唔到

2017/10/30 — 10:01

基本法研討會大龍鳳,教育局發通告予辦學團體,「邀請」學校向學生直播,並設回條,要求學校表態。

局長說:完全沒有施壓成分,學校可自行安排。

想起十九大閉幕大會一景,習近平同志要把「習近平思想」寫入黨章,習同志說「不同意的請舉手」;台下代表們鴉雀無聲,無人反對;二千幾人不舉,完全自願,完全沒有施壓成分。信不信由你。

廣告

教育問題千頭萬緒,咁多嘢唔搞,擦鞋就擦唔切。教育局為學校老師添煩添亂,要求學生觀看未必明瞭又未經剪裁的直播,浪費學生寶貴時間,罪大惡極,這叫專業失格、不務正業。

然後,林鄭還要加一句:無嘢可以強制,瞇埋眼就睇唔到!

廣告

政府廣告有云,被人侵犯時,要大聲嗌唔好,林鄭而家叫大家「瞇埋眼就睇唔到」。

中聯辦干預教育、干預選舉,違反基本法第22條,一眾權貴,瞇埋眼就睇唔到。

一地兩檢,不惜扭曲基本法,都要讓高鐵直插市區。政府宣傳之伎,一直就是捉緊小市民圖方便的心理。為了一丁點快捷,「創意」用到了法律上,發明了「中央授權特區自削權力」的天才詮釋,道理說不通嗎?瞇埋眼就睇唔到。

積極沉醉「習近平新時代」,言必強國崛起民族自豪,陰暗黑幕掩埋地洞看不到,一人獨斷唯我獨尊,瞇埋眼就睇唔到。

只見高鐵飛速快感,享受吃喝玩樂的自由,只求豐衣足食,肚滿腸肥是正道;言論自由跌進深淵,法治建設大倒退,歌功頌德拍馬屁者得食,瞇埋眼就睇唔到。

睜大眼講大話,瞇埋眼就睇唔到,正是新時代精神。
***   ***   ***

(原文刊於明報專欄《2047夜》,此為加長版)
相關文章:
好打得
香港特區小市長

發表意見