立場新聞 Stand News

石永泰:有人為利益刷大陸鞋 貶低香港價值

2015/2/15 — 11:21

前大律師公會石永泰接受有線電視訪問時批評,香港有些人「卑躬屈膝、委曲求全,跪地求饒、搖尾乞憐、見錢開眼」,抹殺香港所有的軟實力,並無視港人對人權法治的訴求,而政府不只沒有幫助港人捍衞價值,更容許它們流逝。

香港人心入面嘅怨恨,唔係因為唔夠錢、唔夠糖派,係因為可能覺得,佢哋所stand for嘅嘢未被尊重,仲被低貶。我哋嘅政府好多時唔單止冇幫到香港人,去捍衞我哋一路以嚟自豪嘅嘢,仲慢慢咁容許佢哋慢慢流逝。

逢親香港講少少自己嘅好處,就一棍發落嚟話你哋「大香港主義」,其實會唔會係有啲香港人,種種嘅原因卑躬屈膝、委曲求全,跪地求饒、搖尾乞憐、見錢開眼呢?為咗攞短短嘅一己利益,就走去刷晒鞋、踎底,『係呀我哋而家香港靠晒祖國、祖國最好,香港人講咩人權法治,其實嗰班廢青嚟,你唔使理佢,佢唔抵得你咋!』實際上唔係咁,香港有嘅軟實力真係有好多。

他亦寄語港人要站出來說良心話:「其實我好似好多香港人咁,可能好無助,我哋需要好多人出嚟,專業層面又好、政治層面又好,講多啲良心嘅說話。」對於特首梁振英公開批評港大學生刊物《學苑》,指自己有責任指出不當觀點令社會有所警惕,石永泰揶揄梁振英應同時指出內地、建制的歪理。

廣告

一喺呢坐言起行,內地好多歪理都講、建制好多歪理都講,唔該如果真係要坐言起行提出歪理呢,唔該全部歪理全部都駁晒,例如話中英聯合聲明可能係單方面講,甚至無效。

但他亦認為,泛民中一些有法律背景者,很多時會「好過份地」,將一些未必需要睇得咁大的事放得很大,如前終院常任法官包致金法官退休,被指是香港唯一的良心法官,石永泰透露法律界內很多人不滿此講話,猶如視其餘四位常任法官如無物。

廣告

石永泰表示自己無計劃從政,因「要將唔相信嘅嘢包裝到好靚」對他而言很困難,又指自己受訪的言論已得罪全人類,相信自己從政會是死路一條,相信完全坦誠的政客「會被人秒殺,好快玩完」。

發表意見