立場新聞 Stand News

石永泰:香港放下身段好多年 而家冇身段喇

2016/10/17 — 15:19

石永泰 (資料圖片)

石永泰 (資料圖片)

【文、圖:朝雲】

11/10 香港大學通識教育及香港電台電視部 大學問(二)

***

廣告

主持徐緣問石永泰,怎看建制亦仿傚民主派籌組律師團隊。石說他們不少人都很「正路」,但憂慮他們部分人,動員一些協會或組織「示忠」,言論卻未必符法治精神。

「成日叫人民守法,好似香港係生番咁」,「世界有個法治指數,頭三名都係北歐國家。丹麥、挪威、瑞典等等,都有過暴亂,扔磚扔石,唔好拿一兩個政治事端放到好大。但有一班人對法治嘅認知,就係在於治安。」

廣告

他進而以李波為例,「我唔係話李波先生特登講大話,我知你有苦衷」,「但有啲人出嚟講好涼薄嘅嘢,你又唔係佢你點知啫之類」。「王振民其實係一場演講,已經話係一件不幸的事,唔希望亦唔會再次發生。」

石說王振民礙於身份,不便明言,但已八九不離十。可是香港倒有些「代言人」,「煽風點火」,「驚死跟車唔夠貼」。「香港放下身段好多年,而家冇身段喇。」

石永泰亦駁斥有人謂法官不解立法原意。「荒謬。係普通法嘅制度下,我地有唔同資料追溯立法原意」。「立法原意最易搵嘅材料係咩?用咩字囉。批評法官嘅人,好似講寫憲法嘅人,立法原意唔寫係字面,而隱藏係心裡面,要去問佢地先知。佢地死左咪要問米?」

「草擬法律嘅人,懂得字嘅意思。當然有含混不清嘅時候,要睇吓其他背景資料,層層遞進;字眼清楚的話,幾唔鐘意都好,都要跟字眼。香港司法對法例,對憲制嘅演繹,從來都睇立法原意,不過以用字為出發點。」

徐緣又問到如何看現在的袁國強。石說兩派都有人不敬法官,但當建制沸沸揚揚,攻擊法官輕判抗爭者時,袁國強似未能像平時呼籲「依法」般,迅速地為法官辯護。

徐緣提到袁國強的面油過於嚴重,石說會向他轉達。

最後石永泰和與談的任建峰,都勸勉年輕人不要黨同伐異。對方大有可能真心相信自己定見,應了解不同背景的人,嘗試說服。

任建峰亦勸年輕人不必以「銅臭」為嫌。即使滿腔熱血,「阿爺唔會泵水俾我,單張、租場、大聲公啲錢邊度嚟?個個都走去前線,金主邊度嚟呀?唔係人人都可以走到最前改變社會,努力賺錢都好重要。」而且當你能勝任事業,也能承托自己的政見,「講句嘢都大聲啲。」

石永泰笑說:「一腔熱血嘅朋友,都要外樹形象,內強素質。」

「香港大學通識教育—大學問」活動,法政匯司任建峰亦有出席。(作者片段截圖)

「香港大學通識教育—大學問」活動,法政匯司任建峰亦有出席。(作者片段截圖)

原刊於作者 facebook

發表意見