立場新聞 Stand News

社運圈只是他的市場

2015/5/15 — 17:50

香蕉奶在金鐘演唱。圖:香蕉奶bananaooyoo's facebook page

香蕉奶在金鐘演唱。圖:香蕉奶bananaooyoo's facebook page

其實歷史上每一場民主運動的成功都係多元化抗爭的成果。藝術和音樂抗爭能在情緒上渲染別人,所以其重要性與前線一樣重要。兩者是缺一不可的。問題係香蕉奶本人是否在抗爭呢?如果話因為佢係雨傘廣場內唱歌就係社運抗爭者既話,我本人覺得講唔通。環顧佢個粉絲Page,根本就毫無政治信息可言。當我們每個人為社運犧牲我地既事業,家庭,朋友,他反而從中得利,而且得利的原因與社運的成功完全無關,如此我只能把你當成係機會主義者看待。

有朋友話,社運講人氣,建立友誼總比樹立敵人好。我從來都好尊重藝術同埋音樂抗爭,之前亦講過其作用跟前線一樣是抗爭必備一環。環顧藝墟,所有作品都同民主和雨傘有關,但香蕉奶的表演確實毫無民主意識,從前線和軍心的角度係消磨,係打擊。更可況本人亦見過蕉粉阻礙人道通道,屢勸不改,反而大聲罵人。他們把社運的焦點投放在錯誤的東西上,讓運動不夠focus,讓前線和村民不能團結,單單這一點本人覺得不能接受。

廣告

亦有人提出其實我們只係各有各做。但是你知不知道有幾多樂隊同埋音樂人默默為社運/抗爭出力?嶺大班戰士在大學搞演唱會唱fuck the police, 為自己引來幾多麻煩,人地有無crowdfunding?如果佢真係為抗爭和真普選出嚟,點解唔見佢宣揚政治信息呢?好簡單,佢一開始出嚟就唔係為左使命,而係為左虛榮感存在感。佢係社運圈唔係因為信念,社運圈只係佢嘅市場,他根本唔夠料有mass appeal. 他為的是功利,我們為的是信念,出發點唔同,點會係同路人呢?

批評不一定是壞事,雨傘是香港社運的轉捩點,成功路上必定需要檢討之前失敗的因由。香蕉奶本人亦應該對其行為作出檢討。我無屌佢,我只係帶出佢行為對社運的負面影響。要明白constructive criticism 和咒罵的分別,我這不是情緒宣洩,而是希望大家能反思一下自己的行為是否對運動有好處。

廣告

最後請不要把自己看的那麼高,與HOCC,明哥,杜汶澤等比較。他們為信念放棄辛辛苦苦建立的事業,兩者根本不能雙題並論。不論你係和理非定或係勇武派,左膠或本土;係情操上都值得我尊重,但香蕉奶這種人比藍絲更為恐怖,為了本身的私利轉移社運焦點投射在自己的光環上。正因如此我倆不是同路人。

發表意見