立場新聞 Stand News

「禁蒙面法」實施後的亂局是一早寫好的劇本?

2019/10/10 — 12:50

收到中銀內幕消息(見附圖職員證):上星期五,即是蒙面法實施之日,晚上有人去大肆破壞中銀。但消息人士想同大家講:

「平日,中銀會將分行的客戶資料文件放在防火櫃內,但星期五那天,一到下午,上級就叫同事煞有介事咁將所有客戶資料文件放入現金夾萬,轉頭又要求分行用垃圾袋封住大堂客戶服務同會議室的電腦,再過一陣,甚至要求某啲分行將電腦鎖入夾萬裏面。而當天四點左右,中銀就提早關門。我感覺係,成個中銀喺當日下午就好似知道會有嚴重破壞,覺得係跟足劇本做足預防措施,將重要的東西一早鎖起,然後出面任由你破壞。」

以上消息人士講嘅,我認為非常可信,問題係究竟係早有破壞預謀,中銀跟劇本配合,定係中銀咁醒預知自己成為破壞目標呢?幾個月前咁樣諗未必可信,但係近日大家都睇到,便衣可以蒙面入去關咗閘嘅地鐵站唔知做乜,警方亦早已承認會用臥底,好多「鬼故」越來越可信,所以跟劇本去做的可信性也很高。

廣告

尤其去到呢個地步,林鄭還有咩棋?佢一直諗住拖,拖到民意逆轉,但民意一直唔逆轉,暴力升級但那是隨警暴而來的升級,民意毫不動搖。再講嗰場社區對話,竟然八成發言嘅人都係當面插佢,你話佢仲有咩計?製造更大破壞、港鐵停駛及提早收工變相實施宵禁,都係想令市民更麻煩、社會更混亂同市道更蕭條,然後再企圖民意逆轉,自己再喺施政報告派福利去平息件事,呢條橋,亦都好乎合啲低智政治人物嘅思維。

 

廣告

作者 Facebook

發表意見