立場新聞 Stand News

究竟登記做功能組別選民呢件事可以有幾麻煩?

2016/3/14 — 12:00

作者製圖

作者製圖

【文:殷琦】

這段時間大家都應該知道是登記做選民的時期。地區直選大家都可能知道是什麼,但是功能組別,卻只是一個「千臭萬世」的名號、一個似乎事不關己的詞語。到底咩是功能組別?點先可以做到功能組別的選民?本人就親身試試俾大家睇個過程,同埋、最後都是失敗的...

所謂立法會的「功能組別」,其實是指某些行業在選舉中擁有特別投票權。至於點解?真是who knows。但總之如果你是處於某一界別,例如你是做保險,咁你立會投票就會有多一個投票機會,即是投你保險界嘅議員出黎。立會而家同下一屆都是35席直選議員、35席功能組別,如果你有多一個投票機會都即是可以影響到多少少架。

廣告

以本人為例,作為一個負責任嘅公民,我個人當然已經是登記左做直選選民。我是鋼琴老師,有經營一個琴室,咁我又可唔可以投「體育、演藝、文化及出版界」呢?於是本人今日屎忽痕就去search下睇下可唔可以登記。唔search尤自可,一search先發覺困難重重!

起google search 「功能組別」、「登記」的字眼後,click入選舉事務處,你會見到一個個方格,可以click入去。呢度雖然問題不大,但作為用家我覺得個版面真是好L樣衰囉。你大拿拿政府網頁可否做令少少呀,咁鬼山寨嘅...

廣告

由於本人是要搵「體育、演藝、文化及出版界」,click入去之後是一個長達21頁嘅PDF:

起呢個時候我已經開始火起。唔是呀化你叫人睇21頁PDF?你無野呀嘩,有無再唔user-friendly D呀。我按捺住怒火,一個個Items咁睇、睇接近10分鐘,最後終於搵到登記資格。以「體育、演藝、文化及出版界」為例,除左一 D 唔重要嘅旁支之外,簡單講你就是要成為一堆唔知咩協會嘅會員至得。如果你無參加果 D 協會嘅任何一個,So Sorry原來你都唔算是呢個界別嘅人士;你即時申請都唔得,因為佢要你最少起個會度有一年。而即使你經營相關行業,唔好意思當中的條款是無寫到你可以因此而成為登記選民的。

起呢刻,我知即使我是做文化界行業都無可能有得投。咁好啦,果 D 協會是咩協會?其實真是水蛇春春春春春咁長,有興趣就自己click黎睇(http://www.reo.gov.hk/pdf/gn/spcp_c.pdf ),但都是睇到D名就已經知道是紅底到爆嘅團體:

呢D會咪就是新年節日擺下D強國花燈裝飾就以為自己叻叻豬做左好多文化推廣嘅垃圾協會囉!好啦我試搵下關於自己果行嘅音樂類協會啦。其實最後我一個都唔是佢地嘅會員,都算了,居然香港人類學會、香港考古學會都有,真是匪夷所思。

於是我試search下「香港人類學會」咁啦。結果是google search engine的第一頁中,根本都無呢個學會!唔知是咪佢唔敢勾結外國勢力?試過其他的會,除了一些大型的協會之外,一是就紅底、一是就搵唔到!究竟呢D協會是否存在於世?!真是好恐怖!

經過今次試驗,我得出幾個結論:

1。做政府嘅人做嘅Website真是好好好好好核突

2。作為文化界嘅本人居然是無票而感到很過份

3。唔怪得功能組別選出黎嘅人智力咁低等,因為果D乜乜協會一是紅底、一是就是上網連搵都搵唔到嘅真心小圈子協會,全部是為了成為投票機器而製造出黎,簡直是界別清洗

4。香港政府根本有心刁難市民唔俾人投功能組別,其實呢種都算是利用行政手段促使市民不投票的方法(選舉事務處真是好好賤格!),原因如下:

* 試問有幾多人願意去睇果個咁鬼核突咁趕客嘅website設計?

* 試問有幾多人願意去花時間睇果廿頁PDF?

* 又有幾多人會願意因為要有多一票而一年前去個協會做Member?又或者如果本身是果D協會的Member,相關機構又有無做宣傳?

* 而政府自己又有花多大力度宣傳功能組別的投票?根本無。門襤又怪、登記又難,完全是有心刁難!可以想象其他的界別一樣都是咁!咁唔User-Friendly的目的只有一個,就是要讓人知難而退,然後自己搵D阿婆阿嬸去做會員投票俾建制!唔怪得功能組別投票率長期低到喊啦!

我在此呼籲,如果你是功能組別選民而你又是泛民本土的,一定一定要去登記!我知道是好麻煩,投左都可能是建制蠃,但是你甘心咩?如果你有呢個身份可以登記,拜託你點都要試下!唔好衰比呢個強姦民意的正苦睇呀!!!

 

作者簡介:港大表達藝術治療碩士生、教院音樂教育碩士、港大主修中文中史。一舊蕃薯般的孤獨文青。做YouTuber、專欄作家、鋼琴老師、合唱團、作曲卻不懂用電腦編曲。總活在迷霧之中,怨氣太多,希望太少;與你和我一樣,在小小的香港同受壓抑、同唱悲歌、每天僅為生活掙扎求存。興趣在表達藝術治療、哲學、心理學、生活、音樂、藝術、政治、宗教等。小妹專頁

發表意見