立場新聞 Stand News

【立會主席推選】批梁君彥不面對市民 田北辰:至少畀人睇下有幾威、講嘢幾有邏輯

2016/10/3 — 11:34

田北辰、梁君彥

田北辰、梁君彥

立法會主席即將推選主席,本來有意角逐的謝偉俊已宣布不參選,只餘建制派經民聯梁君彥及新民黨田北辰有意競逐。田北辰今早接受港台節目訪問時問主持「點解你淨係請到我一個嘅?」主持解釋指曾聯絡梁君彥,但未獲回覆,田北辰即指「無理由想做主席唔去面對700萬的廣大市民」。

田北辰認為回歸至今,市民很多的感受,未必與實際變化有關,而是觀感問題,所以他認為至少在觀感上要「做得好好睇睇」。

田認為梁君彥也有很多強處,但他堅持要實行非記名的初選機制,長遠可解決建制派的良性競爭問題,「令到大家都係心服口服」,若沒有初選機制,「結果一個建制派票王,要輸畀一個4屆自動連任、冇選票的議員,你都要有個機制令到前者心服口服」。田北辰又強調遴選機制很重要,「至少都要出嚟見吓人講吓嘢,咁你出嚟講吓嘢,畀人哋睇得到梁生有幾威,同埋講嘢幾有邏輯性」。

廣告

田北辰透露,會於今早舉行的建制派會議中提出實行不記名的初選機制,而他亦曾向其他議員「摸底」,有些人不支持這個機制,但沒什麼理據,有一半人覺得梁較好,因「覺得我(田北辰)唔夠硬淨」,也有人對他表示,「暗票我就支持你呀,明票就唔好搞喇」。

對於中聯辦有否關心立法會主席人選一事,田指中聯辦必然會關心,田表示他仍出席電台節目,證明沒有人打壓他。

廣告

而梁君彥已是連續4屆在工業界自動當選,田北辰指,有人選梁君彥,是因為梁不用怕選民,可以「硬淨」點,但田認為令施政順暢,令民怨增加,「長遠計係咪冇代價需要付出呢?」

田認為建制派應平衡社會支持,以及保障反對派的發言權,「我哋建制派真係要平衡長遠,社會去到投票嗰日,支持我哋嘅力度,同埋我哋處理呢啲議會嘅時候,嗰個咁嘅所謂保障反對派議員的發言權,一定會有個平衡」。

 

發表意見