立場新聞 Stand News

【立會公聽會】小學生:壓力好大 成日喊  蔣麗芸搭嘴:我細時讀書都讀到喊

2017/1/7 — 13:45

立法會教育事務委員會早上舉行公聽會,討論「防止學生自殺委員會」關於去年多宗學生自殺的最終報告。有已轉讀國際學校的小學生陳禹齡,稱以前就讀傳統學校如同「坐監」、「唔可以郁,唔可以飲水,唔可以食嘢,唔可以去洗手間,唔可以亂講嘢,就算小息都可以跑。」

陳禹齡指出,以前小息才可以去洗手間,往往排長龍,不少同學寧願不飲水,國際學校可隨便飲水、洗手間,「學校令我有自信心、安全感、自由。」

以前傳統學校,上堂教書只是相當少時間,「都只係操卷。」她形容,功課多到「不得多了」,試過做到晚上十一點、十二點,「當時我唔開心,好辛苦,成日喊。(而家呢)一個禮拜先得三樣功課,每日有好多時間睇書,可以讀書、玩、做鍾意做嘅。」

廣告

她說,之前就讀傳統學校時,每星期總有默書、測驗或考試,「每次好大壓力,手出汗」,「有時會透唔氣」、「試過頭暈想嘔」。她憶述,派卷時候,很多同學都會哭,「合格、唔合格、攞唔到滿分都會喊,學校的氣氛就係咁。」但轉到國際學校後,壓力明顯少,「局長,我想請問你點解國際學校做到,傳統學校做唔到,點解咁辛苦。」

蔣麗芸之後問她「講完未呀,仲有無嘢講?」蔣之後又搭嘴到,「好多時候…我記得,我細時讀書,都讀到喊。」

廣告

陳禹齡發言後即激動落淚,要由媽媽安慰。

 

發表意見