立場新聞 Stand News

【立會補選】香港火光幽微,你加柴定淋水?

2018/3/6 — 18:00

資料圖片 l full frame @ flickr —Attribution-NonCommercial-NoDerivs 2.0 Generic (CC BY-NC-ND 2.0)

資料圖片 l full frame @ flickr —Attribution-NonCommercial-NoDerivs 2.0 Generic (CC BY-NC-ND 2.0)

做人唔可以無火,但無人加柴,一個人嘅火可以燒幾耐?幾年前,係香港無曬火,嚟到澳洲著番,澳洲人獨立自由民主嘅價值觀不斷為我加柴。

一夠火就想番香港,但一番香港,就係咁俾人淋水,然後無曬火又番澳洲。前年其實好多香港人幫我加柴,好感動燒到著曬,但大局和持續性係好現實嘅問題。火燒得太旺嘅時候,淋下水未必係壞事。

有時會諗,若果魚與熊掌不能兩者兼得,咁有共同成長經歷重要啲,定有共同價值觀重要啲呢?有共同成長經歷,有感情,但價值觀唔夾,勉強遷就,卻不能改變任何自己或對方,成日近距離係埋一齊,本身係好一件辛苦嘅事。係香港土生土長,一直都在壓抑自己,壓抑到一個點,唔走真係命都無。為咗本土無咗本心,值唔值得呢?這幾年,都在努力找尋平衡點,距離是其中一個關鍵。

廣告

對於很多仍然有火嘅有心人嚟講,香港嘅政治現實某程度上係火上加油,香港人嘅守成、冷感同功利先係淋水。若果無乜志同道合嘅人加柴,好多火燒唔得幾耐。若果有朝一日香港變到冷冰冰,咁除咗係政權同保皇黨嘅功積,亦都係想要溫暖卻又甘於溫水煮蛙袖手旁觀嘅香港人自求得來嘅「福」。

311立法會補選,你加柴定淋水?有得投票嘅香港人,為微弱嘅火堆加支小柴吧。

廣告

作者製圖

作者製圖

發表意見