立場新聞 Stand News

【立會選舉】伍永德戰飲食界 爭標時、站在公眾一方 張宇人寸去錯選舉 應撼李卓人

2016/8/18 — 13:46

伍永德(前排左)、張宇人(前排右),圖片來源:伍永德

伍永德(前排左)、張宇人(前排右),圖片來源:伍永德

不少傘後組織繼區議會選舉後,續透過立法會選舉介入政治,當中被視為「傘兵」的法國菜主廚伍永德,在飲食業界挑戰連續4屆當選的自由黨張宇人。二人今早同場出席首個選舉論壇,伍永德支持標準工時立法,又稱如果業界利益與公眾利益有違背,會站在公眾一方,因為立法會議員需面對全港市民。對此,張宇人就揶揄伍去錯選舉撼錯「人」,「應該去撼李卓人」,反指自己身為業界代表,他無選擇,亦不會考慮,必然地會講出業界要求、業界困難,並支持業界看法。

張、伍二人今早出席商台節目《在晴朗的一天出發》舉辦的功能組別選舉論壇,對於今屆飲食界選民人數較上屆跌近三成,只有5,500多名,張宇人稱,是因為領展「近期掃咗好多場」,將很多舊場翻新,他舉例指,上屆他到蝴蝶邨還見到廿多個選民,但今屆全都沒有了。張宇人又稱,濕街市牌照雖沒減少,但有新人加入,卻未必有登記做選民,「亦可能有二房東揸晒啲牌」。

對於領展的爛攤子,張宇人稱「呢個爛攤子始終係爛嘅,會爛落去」,只希望政府會維護小商戶的利益。伍永德亦指,作為代議士,他會逼政府回應這個問題,因為一日不解決領展問題,最後都令業界受害,而業界目前最大問題仍是租金。

廣告

伍批張談勞工「刻薄、涼薄」

伍永德批評,張宇人任內在平衡勞工政策與業界利益方面「有少少失誤」、「有少少過火」,「講到勞工權益時,佢有啲說話大家覺得係刻薄、涼薄」,他希望其參選,可平衡勞工權益和業界利益,為兩邊都可以最大利益,而不是其中一方「勒死」另一方。他補充,他所接觸的老闆都願意落實標準工時。

廣告

伍倡議先立法50小時,包有薪飯鐘,加班就以入息中位數計算。他指,雖然即使立法44小時,香港仍是全球工時最高,但他不想偏重勞工政策,勒死僱主,同時希望有緩衝期,而最終目標是40小時。

張宇人則重申反對標準工時,批評立法規定是不理市場,且無助做好營商環境,「自由市場,工人冇一定要喺你度工作,佢有咁嘅能力,咁嘅本事,你唔畀足人工佢,佢會走......佢同公司賺得到錢,我哋一樣會畀人工佢,唔係靠法例,做又咁多,唔做又咁多,這正正令香港經濟下滑」。他以飲食業為例,「請兩更人係得,但員工會唔會肯搵少啲錢,做少啲工時?」他稱工人薪金與生產力掛勾,飲食業若不做晚市就收工,無生產力,生意便做不長。

反標時 張宇人:唔做晚市冇生產力

被主持人問到,如果業界利益與公眾利益相違背,會選擇站在哪邊,伍永德稱,「我諗我會選擇站在公眾利益一邊」,因為始終立法會議員,面對的是全香港市民,不只是業界。他又指,以前飲食界很有人情味,一家人在舖頭圍住食飯,他質疑張宇人需要對業界轉變負責任。

張宇人則自言只會代表業界:「當然,平衡唔係唔做,但身為業界代表,我係冇選擇,亦唔會考慮,我必然係將我業界要求、業界困難,會攞出嚟講,支持業界睇法.....我覺得我嘅對手應該係去錯地方選舉,佢應該去撼李卓人,李卓人話要50蚊最低工資,你就去夠70,標準工時佢話50(個鐘),你就34,好似挪威咁.....」又稱整個業界轉變,往往受政府不好的政策影響,例如「諗埋呢啲咁嘅最低工資」。

發表意見