立場新聞 Stand News

【立法會流會】譚耀宗指建制「你旨意我我旨意你」 斥點人數「好易出事」

2015/12/9 — 14:02

立法會大會原定今日恢復《版權(修訂)條例》二讀,但開會兩小時後尚未進入該議題,已因法定人數不足流會。民建聯的譚耀宗批評,拉布的議員不斷點人數,「好容易出事」,又指建制議員「你旨意我我旨意你」,一不小心就流會。商務及經濟發展局局長蘇錦樑,則對流會表示失望。

會議原定今日11點開始,但11點時因人數不足,響鐘逾10分鐘才正式開會,之後泛民議員四度要求點人數,最後一次響鐘15分鐘後人數仍不足,主席曾鈺成宣佈休會。

譚耀宗表示對流會感到失望,知泛民有意拉布,但他們一個鐘頭點兩次人數,「大家好多時都喺最後幾十秒入嚟,你旨意我、我旨意你,就入唔切嚟,就出現流會。我好希望拉布議員唔好再拉布,唔好不段點人數,咁樣點人數,係好容易出事。我知道好多議會係喺大樓裏面,但佢哋好多時都拖到好後先走入嚟,一下唔小心就出現流會事件。我希望呢啲事唔會再發生。」

廣告

工聯會王國興則表示,對「濫用點法定人數」的議員表示強烈不滿,指立法會的議程本已十分「擠迫」,無故浪費了一週的時間。

資訊科技界莫乃光則指,流會屬意料之外,呼籲政府當局考慮接受泛民的修正案,令建制派亦支持,再與業界商討,令《版權條例》可正常審議。

廣告

發表意見