立場新聞 Stand News

立法會首日雜談:陳維安你又扮選舉主任?

2016/10/12 — 20:33

2012年10月12日宣誓的新任立法會議員姚松炎(右)宣誓後,秘書長陳維安(左)隨即指姚松炎在誓詞中加添字句,改變誓言實質內容,無權為姚監誓。

2012年10月12日宣誓的新任立法會議員姚松炎(右)宣誓後,秘書長陳維安(左)隨即指姚松炎在誓詞中加添字句,改變誓言實質內容,無權為姚監誓。

1.阿忠係食錯藥定放水?

難得議事規則寫到明你HOLD會,梁君彥又自己漏晒招俾位人入,佢個國籍問題又一路都未搞得清楚,咁你咪拖埋一份囉,由佢地繼續提規程問題囉,加上3個議員無啦啦未能完成宣誓,你咪話自己要問搞清楚先繼續囉,你交個波俾石禮謙,咪即係助攻俾對家射自己龍門?

之後再鬧咩建制派濫權,有咩資格?

廣告

2. 游蕙禎同梁頌恆係咪以為自己好醒?

宣誓講「PEOPLE'S WE FUCKING OF支那」,帶住條「HONG KONG IS NOT CHINA」BANNER。

廣告

一、「支那」呢個字,係日本侵華用嚟恥笑中國人,包括3年零8個月佔領嘅香港,你絕對可以唔認自己中國人,但係唔應該忘記當時你同我嘅祖父母一輩,作為「支那人」受過咩苦難。

二、好唔講字眼,你要表示你唔係中國人係香港人,要展示政治主張,無問題,要做政治表態請你老實認咗佢。

「披肩係FASHION STYLE。」
「呢啲係我嘅口音,你係咪歧視我。」

好聽叫古惑,唔好聽叫無賴。

3. 梁君彥,國家有任務俾你你搞到咁?

喂阿爺要你做主席,就梗係要放棄居英權,你早就知架啦,點解要一路拖到9月尾先去放棄英籍,到最後一刻先拎到份證明仲要好似好威威?

係咪想睇定啲,真係要你做主席先去搞放棄英籍?你仲好意思幫國家做嘢?如果唔係你個英籍俾位人入,會搞到而家一頭煙?你自己去中聯辦跪玻璃啦。

4. 建制派話要「追究」人宣誓加料?

陳維安確認宣誓有效嗰批,已經過咗海就神仙,你追咩究?話要諮詢法律意見,法庭會干預立法會事務嘅咩?問你有咩可以追究,又支支吾吾,知唔知自己講緊咩?

5. 陳維安你又扮選舉主任?

喂陳維安秘書長,你話人加減內容入誓詞入面,可能有問題,OK,當你岩先;但「HONG KONG IS NOT CHINA」條BANNER有咩問題?

你「覺得」佢地唔明個誓詞?你邊位?測謊機?你又何麗嫦上身?如果我著件ADDIDAS入去寫住「IMPOSSIBLE IS NOTHING」又如何?

最後想話,仲有四年,都唔知點算

 

原題為〈立法會首日雜談〉;原刊於作者 facebook

發表意見