立場新聞 Stand News

策略性投票的策略 令我生疑

2016/9/4 — 18:31

2016年9月4日,將軍澳一票站外,一名男士投完票離開。

2016年9月4日,將軍澳一票站外,一名男士投完票離開。

【文:一名九東的選民】

我早係六月已經用左雷動聲納個app.  而雷動聲納係雷動計劃入面一個收集民意既渠道。

嗰陣雷動聲納個調查結果已經同經港大所做隨機性較大既民調係有很大出入。 參與雷動聲納民意調查者, 故然係只有非建制派。 而且明顯與普遍印象不附, 例如胡志偉, 支持度冇理由咁低。 當時, 已覺得雷動聲納唔係一個隨機性高既統計工具。 所以我對佢既可信性存疑。

廣告

廣告

去到八月尾, 個民調結果係咁。

由380個人增加到1085個人, 但係個結果同港大民調嗰差距都係好大。 當中, 仲大約可以睇到參予雷動聲納民調既人既政治取態。

之後, 雷動出左結合港大民調同雷動聲納數據既民調。

8 月 21 - 27 日「九龍東」的民調結果

同港大個民調比較, 明顯地快必同譚文豪係拉高左。

港大民調結果(分別有5日(28/8-1/9)及(21/8-1/9))兩個數,來源自前線科技人員fb 專頁。

港大民調結果(分別有5日(28/8-1/9)及(21/8-1/9))兩個數,來源自前線科技人員fb 專頁。

港大民調各人支持率走勢圖,來源

而係9月3日晚雷動出了這個調查結果。 而從雷動選用不同顏色予不同的候選人,可以知道雷動大台取態,係沒有區分所謂本土派、熱普城或泛民的。

譚德志同黄洋達最後民調係差4.9%,接近5%。俾個概念大家4.9%係幾多。 上屆2012年, 法會九龍東的總有效票數係284782票,4.9%即係13954票。 仲多過上屆黄洋達同陶君行個差距。 (黄陶相差9355票) 按道理黎講,如果認同黄洋達作為非建制既一員,應該投黄洋達,以打敗建制贏取尾席。之但係......雷動之後出的推薦名單卻令人疑惑。

竟然係推薦譚德志, 理由係「雷動聲納內九東的策略選民, 有78%不願意投票給黄洋達, 故不用考慮黄洋達。」

但雷動計劃原意, 不是要犧牲小我, 完成大我的嗎?不是以建制派為最大敵人嗎? 我了解雷動計劃入面大部份人也未必喜歡黄洋達, 但係真係有一部份人係想打倒建制派多於理邊個非建制入局的。 為甚麼不建議選民保譚文豪,胡志偉? 他們支持度比建制尾席只高0.4到0.8%。而願意投黄洋達既那22%選民投黄洋達呢?反而捨易取難, 要求所有策略選民投一個與尾席建制差8.1%的人(參2012立法會有效票數, 即起碼需要23067票),  而黄只差3.2%(即9113票)。夠竟邊個較易得到贏到建制,得到第五席真係一目了然。

為甚麼要願意真係策略投票既人比唔願意策略投票既人騎劫左, 而得唔到真正策略投票既建議?如果係非自己屬意既非建制派系就唔支持,其實所做的與他們不願意投的熱普城支持者真係冇咩分別。咁不如好似熱普城咁做個真正的小人,話雷動的不是,杯葛雷動,而唔係加入雷動,但又阻止其他人策略投票比更有機會勝出的非建制派。

九龍東區地區直選包括:陳澤滔、胡穗珊、呂永基、譚香文、謝偉俊、黄國健、柯創盛及高達斌

 

作者簡介:利申 — 我唔係熱血公民忠誠支持者(俗稱熱狗) 

發表意見