人在中環 - CK

人在中環 - CK

我係一隻又笨又固執嘅豺狼。著有《人在中年》。

2019/8/8 - 12:35

經過警察 demo 後,你身邊有幾多人認定嗰枝嘢係「死光槍」?

警察示範laser pointer(2019.08.07,立場新聞圖片)

警察示範laser pointer(2019.08.07,立場新聞圖片)

我個仔只係個小學三年班嘅學生。但我發現,好多連我個仔都識玩嘅日常玩意同工具,上一代人會覺得係外星科技,如果背後冇極強大嘅資金同勢力 support 的話,後生嘅一輩係冇可能有本事操控得到的。

見識上嘅鴻溝,讓好多唔 make sense 嘅陰謀論變到似層層。嘗試解釋都係嘥氣,你可以點樣說服佢,佢嘅見識,已經係嚴重落後於時代呢?事實上佢哋不單止唔會承認自己嘅落後,反而更堅信,自己嘅見識係比你倍數地多。在後輩面前,佢地肯定不會謙卑。自大自信嘅心,永遠最容易被利用。

昨日(8月7日)警察那個「死光槍」demo,在我們眼中自然荒謬不堪。當中嘅荒謬同錯誤,對稍有學識嘅人而言都係小學程度嘅課題。但係我嘅 whatsapp group 裡面,有唔少長輩卻認為嗰個 demo 係非常之咁「科學」。我見有啲朋友寫,認為這個 demo 令警隊出醜了,其實剛剛相反,只因呢個咁「scientific」嘅記者會,對象跟本唔係你同我。對好多人而言,嗰枝嘢,俾佢地講一講之後,就係不折不扣嘅死光槍。

廣告

呢幾年,其中一個最大嘅感慨係:對好多人而言,原來阿媽係一個女人,都要花好大氣力先講得佢明。1+1=2,原來都有好多人唔識計。而呢啲人,卻總有一個喺左近。

作者Facebook