立場新聞 Stand News

【網絡挑機】周融批網民是「社會的失敗者」 叫搞創作年輕人「返大陸」

2015/12/10 — 12:40

網絡挑機(mytv片段截圖)

網絡挑機(mytv片段截圖)

無綫電視近日的綜藝節目《網絡挑機》,邀請一批年輕網絡紅人如著名的Youtuber,在節目中批評無綫等主流媒體,但網絡紅人往往被節目安排的其他嘉賓刻意羞辱。在昨晚播出的第8集,由Youtuber「JFung」向幫港出聲召集人周融挑機,但身為新聞網站「香港G報」創辦人的周融,在節目上批評,網上的人「基本上好多係社會嘅失敗者」。

周融狠批網民:

「網上係有一班人,挑撥離間,鼓吹仇恨。正正就好似喺中港大戰足球場上『XXXX』(意指粗口)嗰班之嘛,嘩咁如果我哋覺得,呢班嘢(人)真係好嘢喇咁,咁我哋死咗囉。」

「因為網上嗰班人,基本上好多係社會嘅失敗者。唔好意思。可能佢自己生活上太多唔開心。」

廣告

周融又批評一些年輕人是「廢青」,向上JFung說:「你到三十零歲,你再廢落去,真係攞綜援一生咩!」對於很多年輕人認為上一代人阻擋他們向上流動的機會,令他們即使付出了努力,也沒有甚麼棧會,周融直批:

「老屎忽阻住?(你)走囉!你覺得你喺香港冇機會,返大陸啦!最緊要你有回鄉證呀!你有回鄉證,你就有機會!尤其是你做創作。」

廣告

不過,JFung以女歌手G.E.M做例子,指她回國內發展後,香港人已不喜歡她。此時旁邊一直沒怎麼發言的民建聯成員、大律師馬恩國就開腔,批評「香港人太狹窄。」又指在澳洲的華人沒有這種抗拒大陸的情緒:

「全世界都話,經濟發展同啲機會喺大陸,咁佢哋就冇呢啲包袱喎,點解我哋香港人有呢啲包袱呢?就係因為我哋反共。」

他又指,「搵到錢養到頭家,最緊要吖嘛,你理得佢共咩產黨現家蘇聯夠係共產黨咯!如果蘇聯有機會,做咩你唔去啫!」但蘇聯已在1991年解體,因此周融即時更正馬恩國:「俄國。」

JFUNG日前接受《壹周刊》訪問,談到拍攝節目當日的情況,表示對談當日,氣氛比想象中和諧,周融當過傳媒,又教書,「身經百戰、好識講嘢」,很多時都以其所謂道理試圖說服人。他又指,如果讓他重新選擇,他也會再選擇上該節目,因為「有啲結果可能要take啲risk先得到」,他最終只想他的音樂可以接觸到更多的人。

JFung本人上周亦在Instagram上載與周馬二人的合照,並指:「呢次拍攝我仲同『終極藍絲代表』周融同馬恩國見面(睇佢兩個就知咩係『相由心生』),我講完年輕人想法兩位都係繼續自我感覺良好,認為大陸市場大,叻人都上大陸搵錢,我同佢地講『廢青有骨氣』,佢地就『骨氣唔可以當飯食』,其實都係口和心不和,同張相一樣,皮笑肉不笑。」

對於周融的批評,學民思潮召集人黃之鋒在Facebook分享節目截圖,質疑:「一個網絡媒體創辦人話網絡人係社會失敗者………?」

《網絡挑機》節目播出以來,備受網民爭議,節目邀請多位網絡紅人,如YouTuber司徒夾帶、和富大埔足球大使Lulu(董嘉儀)、舊曲新詞作者薑檸樂等,與在網絡較多人討論的無綫藝員合作製作短片,但節目並不為網民所受落,例如節目上有YouTuber被戲弄,網民就批評無綫刻意羞辱他們,同時亦質疑上述網絡紅人,一邊批評無綫,卻一邊上無綫的節目,是講一套做一套。此外,網絡名人「伍公子」在社交網站披露,早前參與《網絡挑機》時批評「阿姐」汪明荃歌藝不佳,但發言被剪走,因此網民不要收看。

發表意見