立場新聞 Stand News

【網絡23條】政府籲「過咗先」 田北俊:特首防賄條例又唔見立咗法先?

2015/12/15 — 16:14

《2014版權(修訂)條例草案》爭議極大,連建制派也有疑問,工聯會黃國健及自由黨鍾國斌等人近日卻轉口風,對草案有保留。商務及經濟發展局局長蘇錦樑昨日聲言未有聽聞建制派議員改變立場反對草案,但自由黨榮譽主席田北俊今早就稱,贊成先休會,談妥細節才立法;他重申他本人不支持草案,因為條例多灰色地帶,難以執法。

早前表明一反自由黨立場、對草案投反對票的田北俊,今早接受商台節目《在晴朗的一天出發》電話訪問,表示他個人贊成先討論清楚才立法。對於有說法指,今屆立法會會期只餘半年,如果再諮詢,就可能要2016年立法會選舉後才可能通過,田北俊就舉例揶揄曾被質疑有利益衝突的梁振英:

「而家『超然』特首做好多嘢都慢好多,譬如行政長官防止賄賂條例(把特首納入《防止賄賂條例》適用範圍),(終審法院前首席法官)李國能搞咗3年,到而家都未有,又唔見佢嗰啲嘢立咗法先、做住先?睇睇再修補?嗰啲佢又唔做?」

廣告

他表示,立法會的功能是立法,所立的法一定要清清楚楚、明明白白,「你唔可以喺立法會立條法,有好多灰色地帶」,又指既然法例不建全,執法有困難,到時弄至官司「多籮籮」,不如先休會,談妥細節才立法:

「我唔可以作為立法會議員,走去支持立條法,唔清唔楚『立咗先』,等人執法,等法官去判。法官見個唔清唔楚嘅法例又判唔落喎... 判詞點寫呢?都唔清唔楚。」

廣告

田北俊又解釋,自己與黨友立場有分歧,與直選還是功能組別無關,只是近年玩多了Facebook等社交媒體,「好多嘢係抄抄地人哋,如果我係不牟利就應該豁免啦,但如果新科技繼續演變,佢諗到新嘢做,而家淨係豁免六樣,咁六樣之外點做呢?」

他認同特首梁振英的Facebook已經是完美的示範,意即梁振英早前把自己在翻唱流行曲的片段放上Facebook,及後被質疑才申請牌照,但被指只申請1個不足夠,還欠5個,對此田北俊稱:「咁普通市民,尤其是有創意嘅後生仔,包括我Facebook啲管理員,唔通又申請咁多嘢呀?我都唔掂啦!」

他續笑稱,他的Facebook管理員曾向他施壓,指如果草案通過,「我哋唔撈喎你咁搞法」,原因是條文涉及刑事罪行。田北俊強調玩Facebook、不牟利的玩法,不適宜用刑事方式處理。

 

發表意見