立場新聞 Stand News

繼續「百五步笑百步」: 你憑咩話人?

2015/7/27 — 17:11

網絡圖片(圖:VIKTOR HANACEK)

網絡圖片(圖:VIKTOR HANACEK)

【文:琪琪】

星期五,Happy Friday,約埋好姊妹Janice齊齊下晝Sick leave去high tea。

晚晚做到一兩點,公司又唔比claim OT,係呢行自製「假期」已是習慣

廣告

「唉,好Dry呀……」Janice呷著一杯Green Tea Latte,就快呻到樹搖葉落。

無他,老調重彈,又係為男人。

廣告

「其實我要求都唔係好高姐,自問樣又唔算差,點解呢幾年都無人追?」Janice一路講,一路上Instagram「管理業務」,即係Check下有幾多人Like佢D相。

其實佢嘅投訴,就好似啲人去餐廳話「無嘢食」一樣。Sorry,實情係:唔係無嘢食,係無嘢啱你食啫。淺白啲說,即係有人追Janice,只不過係佢唔啱睇。其實,佢今年情人節嘅時候,都收到Admin部門既M先生送嘅朱古力架。M先生出名「好仔」又純情,不過Janice嫌佢人工低。於是,朱古力照收,繼續冷淡。

OK,Let me go back to your question. 「Eric都唔知係咪盲,我大大個靚女坐係度!」明白,唔駛我俾Comment,我今日的作用是聽。By the way,Eric係公司一個靚仔而且受歡迎既Senior Manager。「走去追個內地女人,遲早俾個女人呃晒啲錢!」醋味極濃。

相信有唔少香港啲女士都有Janice嘅同感。不過諗落,其實都好合理:男人基本擇偶條件好簡單,就係樣 + 身材。人地個樣生到(或者整到)好似范冰冰咁靚,你就淨係要啲男人幫你排隊買黃色小兵;人地上圍有C有D,丫,其實你都有 ─ 不過係會考張Cert囉。所以,點解總係有男人,不論佢有錢定無錢,都願意為上面個小三傾家蕩產,原因好簡單,人地洗錢洗得「爽」呀。

最近有個40歲嘅香港女作家接受專訪,講到自己嘅擇偶條件:「30多歲、有經濟能力、外表要好看、作為有風度的男士,應該為女人付帳(As a gentleman, a man should pay for a woman)」等。得得得,呢D都係基本條件。

但係前題是,與gentleman相對嘅,唔係woman,係lady。

要人對你gentleman,請先問問自己有幾lady。況且,香港附合條件嘅男士其實都好多,不過,會唔會揀你又係另一回事。

「隔離Team個英國Partner James都幾靚仔,人又gentleman,次次見到我都會開門俾我入公司架。」Janice話鋒一轉,善變係女人專利,包括話題。「不過可惜丫,佢竟然同Joyce一齊,公司啲仔係咁係背後話佢Cheap。」Joyce係人稱嘅「會計界欣宜」。

雖然唔少男人覺得,香港女士同老外拍拖就會扮「上菜」。(試過有未出過國嘅女性朋友同老外拍拖一個月之後,就係姊妹嘅聚會上滿口well / actually / you know / it’s like,自己想像),又話外國人平時係屋企好懶唔做家務第時做死個女人等等等等。但係公道D講,不少本地男人的確係視野狹隘(世界發生咩事你知唔知?)又懶(今年射左幾次波?)又死要面(返工俾上司人話幾句或者見家長俾未來外母問多幾問就黑面)。

可能鬼仔係屋企唔做嘢,但係人地有樣有高度,又會同人講下外地風情,而且某些能力又比你地好(你懂的),你又點怪得我地女士?

Gentleman,靚仔,你今日幫人開左門未?

琪琪呀琪琪,你又憑咩話人?

 

作者簡介:曾在四大會計師樓稅務部門打滾的小薯仔, 見盡會計師為搵食做到隻狗的生活和難以為不公義發聲的無奈。

進步會師 facebook

 

 

發表意見