立場新聞 Stand News

【懷仔事件】大成小學遭貼「賣港」標語 女生哭訴:點解要貼呢啲嘢呀? 校方被指龜縮有責

2015/5/23 — 16:33

女小學生,在貼滿標語的大成小學問前哭訴。 (蘋果動新聞截圖)

女小學生,在貼滿標語的大成小學問前哭訴。 (蘋果動新聞截圖)

【下午5時50分更新報道】

香港本土力量、熱血公民等組織的數十名成員,今早到工聯會立法會議員陳婉嫻的黃大仙辦事處,抗議她協助聲稱來港九年的12歲無證男童肖友懷(懷仔)爭取居港權,示威者之後到孔教學院大成小學,抗議校方日前表示,如肖友懷取得證件,願意安排他入學。據蘋果日報即時新聞拍攝到的片段,一名大成小學女學生見到學校遭針對,在貼滿標語的學校門前哭訴「點解要貼呢啲嘢呀?」。

廣告

女學生在門前哭訴:「點解呀?我哋學校一路淨係想畀啲新嘅同學知道知識,個個人都唔知道……犯咗法又點喎!點解要貼呢啲嘢呀? 」

有人在社交媒體分享一名在現場採訪的記者的facebook留言截圖,細述小學女生哭訴的前因後果,認為校方處理失職,沒有保護學生:

廣告

臨走前遇到妹妹哭訴,作為記者我有以下觀察與感想。

首先,我理解妹妹嘅說話係「點解啊?我哋學校一路係想畀新既同學知道知識,個個人都唔知道…犯咗法又點喎!點解要貼呢啲嘢呀? 」

細路女喊緊,遣詞用字唔會好準,我理解佢係覺得即使有人犯法,學校都唔應該畀人咁貼。佢只係一個小學生,愛錫學校,大家冇必要聚焦「犯咗法又點喎! 」一句不斷攻擊。

其次,我覺得學校處理示威完全失職,示威者散咗後,最先清潔學校牆壁的人,係由外面走來的幾個小學生,係佢哋自發向傳媒投訴,係佢哋逐張貼紙撕走,而呢件事應該校方做,點解由小學生挺身而出?

示威者散哂後,我拍校門想搵負責人回應,完全冇人敢出嚟,只搵咗校工幫手清潔。如果要譴責,我覺得校方冇慎重理解肖友懷單案有幾敏感,亦冇保護好學生。

發表意見