立場新聞 Stand News

以主人與貓喻中港關係 聖公會管浩鳴:「乖就比空間」

2015/6/8 — 13:00

資料圖片:管浩鳴

資料圖片:管浩鳴

身兼團結香港基金顧問的香港聖公會教省秘書長管浩鳴今早在商台節目中,力撐「袋住先」,又以主人和貓比喻中港關係,他稱,自己近來養了一隻小貓,但很多朋友指貓會抓壞傢俬,「我發現同佢相處過程中,佢好乖,咁我就畀佢好大嘅空間佢」,毋須用籠困住小貓。

管浩鳴稱,中央同香港人「分開咁耐」,未必太了解對方,他認為香港人若嫌中國並非太過文明,就更應表現出「文明」、「理性」,「任何嘢如果想要放寬一些,或者畀我哋更多自由,是視乎我哋表現。」管浩鳴說,政改似乎就是用了太激烈方法表達,「導致有今日咁嘅結果。」

管浩鳴又說,「希望大家唔好上綱上線,點解我用(主人與貓)呢個例子。」

廣告

管浩鳴:公道啲 梁振英受好多壓力

管浩鳴指,不應安放太多罪名於中央身上,又說部分中港矛盾問題,因「一國兩制」在香港實現得太好才會發生。他今以「雙非」作例,稱若人大當年釋法,或許便不會出現「雙非」問題,惟當年法院不願意提呈釋法,「搞到今日咁樣」。

廣告

對於特首梁振英應否為香港問題負責,管浩鳴指,在問責機制中,作為首長須對香港整體事務負責,但他表示,平日接觸梁振英感到他平易近人,「公道啲啦,(梁振英)受咗好多唔同壓力,家庭又好,公務都好多,每一個人都係一個人嚟嘅,承受壓力係一件唔容易事情」。

稱要拉近中港法制 迅即收回言論

管浩鳴稱,自己擔心2047年、即基本法規定50年不變之後的香港,怎走下去,「(本來)希望用呢50年時間,希望同大家(中國)拉近距離,無論係我哋法制上、政治環境裡面、經濟上,睇下有無辦法拉近一啲。…我哋希望有再多個50年(不變)的時候,我哋就要表現得令中央政府放心一啲。」

商台主持陳志雲即反問,「你講到法制要拉近一啲…」管浩鳴迅即表示抱歉,指要收回言論,稱自己原意,並非指要拉近中港法制。

管浩鳴在節目中多次表達應袋住先,又力撐提委會制度,指提委會提名並非「篩選」(見另稿),「我估中央人民政府唔係要去到一個地步,拒絕所有的泛民朋友,最重要是任何遊戲規則都有基本的界線,唔可以話就係選出來的時候,唔幫助中央人民政府去管治香港,甚至日日去搞一啲港獨,甚至同中國更加分裂。」

發表意見