立場新聞 Stand News

聽聞無形之手欲力谷一建制人選 田北辰:事態走咗樣 質疑沒公平競爭會換來撕裂

2017/1/17 — 11:00

資料圖片:田北辰

資料圖片:田北辰

國務院昨天同日免去林鄭月娥及曾俊華的司長職務,林鄭隨即宣布參選特首。港區人大代表、新民黨立法會議員田北辰今早於港台節目中表示,最近聽聞有「無形之手」想「力谷」一位建制派候選人,更有人致電向他拉票,田北辰形容事態開始「走咗樣」。

田北辰於節目中表示,「最近聽到好多好好的聲音出到嚟話,似乎而家排山倒海,即係無形之手越嚟越變咗有形,係想變咗力谷一位建制派候選人。去到個地步,好似連其他全部都想篩走哂咁樣,呢個我聽返嚟,咁我覺得開始事態有啲走樣」。

他透露,曾收到拉票電話,他就問對方:「你唔係想我黨友戴綠帽吖嘛?咁我都應承咗我黨友,我又提名佢支持佢,咁你嚟同我講呢啲嘢?咁你不如問吓佢,叫佢同我講啦?」他形容現在情況「走咗樣」。

廣告

被問到是否有人叫他投票支持林鄭月娥,田北辰未有明言,只是說自己今天談的是對事不對人,強調現在有一人獲「力谷」。

至於中央屬意哪位候選人是否很多選委的「強烈參考因素之一」,田回應指「絕對正確」,並指一直的模式都是希望於第一輪投票就選出有高度認受性,至少得到600、700票的候選人,但他質疑是否行之有效。他叫大家「撫心自問」,這是否真的可行,還是這樣只會換來撕裂,因為並沒有一個令人心服口服的公平競爭。他形容情況就如去年他欲競選立法會主席,但建制派中沒有公平競爭。

廣告

田北辰:陳茂波幾個月做到啲咩出嚟

田北辰認為,「呢樣嘢係時候要改變啦」。他說,傳聞獲「力谷」的人士,本身也可能可以獲得最高票,「咁會唔會做咗咁多嘢,反而害咗佢?」

談及新任政務司司長張建宗及財政司司長陳茂波看法,田北辰形容張建宗很圓滑、「好識做人」,適合擔任政務司司長一位。對於陳茂波,田北辰指,財政司司長一向是配合《施政報告》,「嗰度角色唔會好大」,而陳茂波當上財政司司長,避開了發展、棕地等爭議問題,「可能仲好啲添」。

至於有人質疑陳茂波的財金管理方面的資歷夠不夠,田北辰認為,「財金管理我哋有個金管局,有陳德霖睇住」,加上有既定機制,陳茂波的任期只有短短幾個月,《財政預算案》也是配合《施政報告》,「佢有啲咩做到出嚟?」田北辰直言,「講真,邊個做都冇咩大分別,呢段時間」。

發表意見