立場新聞 Stand News

胡國興:做特首有兩個波士 港人與中央

2016/11/20 — 15:12

【文、圖:朝雲】

19/11 社會工作聯會

支持平反六四、廢除功能組別、重啟政改、「唔提」831 決定;

廣告

同時反對港獨、服膺中央、循序漸進

胡國興:做特首有兩個波士,一邊係港人,一邊係中央

廣告

***

決意參選特首的胡國興,應邀赴社會工作聯會的座談,回應社經政策。

他說公眾或誤會自己「不食人間煙火」,澄清就任法官多年,「最細嘅賊見過,最大嘅賊見過,最有錢同最窮嘅人,乜嘢人都見過,實情好貼地。一面係法律同法理,另一面係事實同人情。每日判案,就係裡面搵平衡。」

「做特首有兩個波士。一個主人就係香港市民嘅利益同核心價值;第二個主人就係根據基本法,中央要求嘅指示。特首嘅工作,就係向北京解釋,香港人珍惜乜嘢,擔心咩嘢,有啲嘢唔好踩落嚟,香港人會擔心;至於中央有咩指令落嚟,一定要做,避免唔到,就要解釋俾香港人聽,點解中央要咁做,唔係想整死香港人。」

***

全民退保

胡在言談中似有保留,暗示有審查需要,遭現場畢生未取福利的少數族裔質疑。胡遂強調「大市場、小政府」僅屬經濟層面,但不適用於社福,「政府就係要管」。他說市民給他更多論據推動全民退保,不一定要經濟審查,研究過後再作決定。

***

康橋之家、院舍問題

胡說:「香港係一個富裕社會,可動用嘅儲備有 8600 億,足夠政府兩年使用,幾乎全世界都冇咁好。應該撥更多錢出嚟照顧各方面需要。。。如果可以監管到,就俾市場做;監管唔到,就俾政府做,好似起公立醫院咁。」

***

房屋政策、橫洲醜聞

胡說房屋市場失去平衡,後生需要居所,卻無人負擔得起樓價。除了興建公屋、還要有首置居屋。

他批評港人港地「錯到唔得了」。即使樓盤只限港人購買,但地產商仍按市價出售。僅杜絕少數炒家,「照樣貴到唔得了」,無助港人置業。他建議特別撥地興建居屋,以較低價錢售予首次置業的港人。

至於橫洲,胡說「深深懷疑」,公務員做事起碼要留下 memo,向上報告,為何摸底過後沒文件記錄?他並批評政府,默許霸佔官地,出租了事,「荒謬到不得了,唔止饒恕佢,仲獎勵佢」。胡自詡不怕鄉黑,應該從嚴對付。

***

租金管制

胡說認識租管,香港推行過,三藩市亦在實施。他說短期內可考慮,但不宜長期推行,會衍生其他問題。

***

丁屋

胡形容丁屋是「歷史陳跡」,但難以持續,如就任特首,會開始談判。他提議成立一公司,政府作為大股東,收回所有丁權,以股票補償原居民,可自由買賣,藉此過渡消弭分歧。

***

劏房

胡認同社工意見,超過廿萬住戶窩居劏房,問題迫切。考慮允改工廈地契,容許租住,可舒緩問題。

***

領展

胡拒承諾回購領展,須仔細研究。但認同社區墟市,保留小販。

***

三權分立

胡解釋即屬英文,Separation of powers 也不直指「三權分立」,但基本法劃分政府為三大架構,寫明司法獨立和終審權,清楚明白。

***

釋法

原來胡手上正有原訟庭的司法覆核判辭。他肯定法官以真誠的法理判決,沒有干預。時值上訴,出於司法公正不便多言。

胡認為是次釋法,不會時常發生,因中央憤恨港獨和辱華言論才插手。他說基本法寫明中央有釋法權,無從反對;但「有權唔好用到咁盡,用到咁多。」

***

平反六四

有市民問「政治必答題」--平反六四。胡先謂港人有權繼續集會,市民追問他個人立場。胡略略遲疑,終說「支持」,「我贊成平反六四」。

***

功能組別

胡說:「最容易答架,贊成(取消)。」

他建議循序漸進,並以法律界為例:「得千三個大狀(大律師),八千幾個律師,夾埋唔夠一萬。如果加埋師爺,一個將軍十個兵,就已經變左十萬人。。。到左咁上下,功能界別就冇左意義。」

***

2047 香港前途

胡明言反對港獨。認為政制是矛盾的根源,應優先重啟政改。在基本法框架下,不能繞過提名委員會,但可按部就班,擴充選民人數,「乜嘢叫做廣泛代表性?冇定義,嗰度就有好大空間,開展民主制度。」

「如果將選民基礎擴闊。。。第一期一百萬人,第二期二百萬人,到下一期三百萬人,到咁嘅程度,即係同普選冇分別,同公民提名冇乜分別。。。得到三分二立會議員同意。作為行政長官,就向中央報告。」

但這樣豈非變相否認 831 決定?胡答:「重啟政改就唔好提 831,唔需要提。你而家有個新方案,有三分二立會議員同意,拎上去。『而家情況咁樣,請你接受』,解俾佢(中央)聽。」

「中央會唔會唔同意?有可能;但會唔會同意?亦都有可能。做特首要為香港市民請命,就係咁解。」

***

後記:

最後張國柱說,梁振英是一個堅持的人--堅持不改過。他好欣賞胡官,願意真正落區聽市民訴求,「唔係因為你有機會當選。。。你有清新嘅感覺,令大家對你有期望,其他候選人都要扮回應到期望。你帶到個 effect,令其他候選人要跟你學習。」

市民提到梁振英,胡官面露笑容

市民提到梁振英,胡官面露笑容

發表意見