立場新聞 Stand News

【胸部襲警案】對吳麗英判囚3個月15日的四個疑問

2015/7/30 — 22:03

今年三月元朗反水客示威的dbc片段截圖。片中可見,幾名警員當時衝往吳麗英及其拖住的一名男子,強行分開二人,其間一名藍帽子警長從後以雙手一推,吳即失去重心向前跌,她跌倒後更隨即有4、5名警員,包括一名白衣高級警員上前拉扯她。她站起來不久後,片段就拍得她滿臉鮮血的畫面,但當時她的雙手已被多名警員捉住。

今年三月元朗反水客示威的dbc片段截圖。片中可見,幾名警員當時衝往吳麗英及其拖住的一名男子,強行分開二人,其間一名藍帽子警長從後以雙手一推,吳即失去重心向前跌,她跌倒後更隨即有4、5名警員,包括一名白衣高級警員上前拉扯她。她站起來不久後,片段就拍得她滿臉鮮血的畫面,但當時她的雙手已被多名警員捉住。

「裁判官陳碧橋在判刑時指,被吳麗英襲擊的男總督察陳嘉寶沒有受傷,屬輕微的襲警,但吳當時大叫遭陳非禮,令事件變得嚴重,考慮後以入獄4個月為量刑起點,考慮到吳品格良好,判吳入獄3個月15天。」

判咗我先問:

1. 襲警和大叫非禮老屈係兩件事,係咪應該屬兩條罪? 點解可以撈埋一齊當襲警? 縱使我明白後者係嚴重罪行,但前者用個胸襲警係好難成立,在當時混亂嘅情況,很可能係誤碰警察,不然,一個女性究竟擺出甚麼姿勢可以用個胸來攻擊? 唯一就係挺起個胸(同時隻臂要拉開)正面衝過去撞落對方到,但果個情況究竟點可能做到呢點? 練武多年的我也無法明白!

2. 如果你話老屈警察係大罪,咁呢個係咪應該屬另一條罪??? 點解變咗做襲警罪的一部分? 如果這次判決係指屈警察而判罪,我深信社會反響會細得多,但你將呢件事扯到「用胸襲警罪成」,真係好令全世界失笑,也為香港留下一個如此奇誕的案例。老屈警察果項係咪有第二條罪可以告?

3. 已有人列舉了大量案例,包括Amina摑警案,用個胸襲擊判三個幾月,真係匪夷所思。如果你用個胸可以撞到個警察瘀咗,或者好似插水茂咁倒地十分鐘,咁呢位小姐真係絕世高手,真正嘅"人間最強胸器"! 但可能嗎? 所以,你真係好難想像聽落咁荒謬嘅判決!

4. 最後也要指出,抗命當然係要承擔責任,這是抗命的代價。承擔法律責任無問題,但如果因為對方係抗爭者而刻意做不乎常理的重判,就係法治崩壞的開始。

廣告

標題由編輯所擬,原刊於作者 facebook

廣告

發表意見