立場新聞 Stand News

「自由閪」與鮮血

2019/6/15 — 17:41

設計師劉仁顯製圖

設計師劉仁顯製圖

連登今日(15/6)出了一個post,質疑印「自由閪」Tee係站在別人的鮮血上笑。( https://lihkg.com/thread/1223957/page/1 )

作為其中一個印自由閪Tee既組織者,好似我要回應︰

廣告

首先,我同呢位巴打站在同一陣線 — — 我地記念呢幾單事︰

「唔好攪我後面 」- 是當日金鐘無數個運物資既大學生中學生被黑警無理搜查而出現的金句,企圖製造白色恐怖,令無數學生擔驚受怕,一指排開的查身份證就等於將手無寸鐵的學生們如罪犯般對待。

廣告

「自由閪」是黃昏時間,速龍部隊打得興起,殺紅了眼,一直將學生迫到PP內,由於PP保安阻撓,速龍部隊無法進內,於是在門外叫囂,守住門口不讓學生逃走,用警棍敲打門柄,挑釁學生而叫出的句子。

「記你老母」是黑警迫走港台記者,就算記者出示記者證,黑警仍不斷用武力威脅記者後退,用警棍止嚇,不斷迫走記者之橋面,干預新聞自由而來。

這三大段係要時時講,日日講,每次引用都要提。但,點解大家會笑呢? 笑,係在特定context底下產生既意義,如果context唔同(例如有朋友冇睇過條片),根本get唔到笑點。一個笑話可以work, 係因為佢 — — A: 荒謬,原以為不可能發生的,(唔係下嘛?!)竟然都發生了。仲有 — — B:心照不宣的共識。你既笑係因為大家都有經歷過警暴,都知道呢件事本身唔應該發生,而呢個共識凝聚左一個社群︰我地。

我僅以「自由閪」為例︰

我完全理解對「自由閪」Tee的批評,因為Not all jokes are good joke。有D笑話真係笑唔出囉Sorry (話緊你呀IKEA) 。我也會想像到,果班學生面對警察羞辱佢地係自由閪時,有幾驚。我想像到自己在嗰時,嗰地,同佢地一齊。

而呢個羞辱有兩部份,一部份係用一個物化女性既詞語來貶低人,二來是扣帽子。

而反抗羞辱的方法,其一當然係去平機會告佢啦; 二來,就係擁抱佢。正如酷兒(QUEER)本來係罵人的話 (類似係「怪雞」、「奇撚怪怪」),但同志社群卻收為已用 — — 係呀,咪就係我囉!
 
在「自由閪」片段出現的時間,出奇地很多女生(原本要貶低的指向)十分雀躍,認為說中了她們的心聲 — — 我們就係自由閪,因為閪本自由,我既身體我話事,去行去邊、示咩威都唔到你管呀!
 
本來是扣帽子用的標籤︰「你班開口埋口話要爭取自由既閪」,在我方看來,卻是極為精準既Summary! 因為「反送中」表面是被動的恐懼(我唔要xxx),背後的精神確是要「爭取自由」呀!嘩!你唔提我都差D俾你打到唔記得添呀!仲幫我改左個咁好既身份,搞左咁多年女權運動都諗唔出咁好既Catch Phrase! (戴個頭盔先︰可能你都係覺得唔好笑架,It’s Fine! 我呢度無意話我有斷定咩係好笑唔好笑既權力)

社會運動不只有憤怒同悲傷,因為雖然係好強既動員力,但卻會蠶食心神。有朋友是老師,在6.12後已有多位學生出現情緒問題,不斷夢見血淋淋的人,不能入睡。而我呢?因為建制吹和風,我真係好擔心聽日遊行會唔多人出黎,更加怕大家會唔記得6.12警察既過量暴力。新聞片唔會日日返播,如果唔係「自由閪」、「記你老母」、「唔好搞我後面」,呢d moment今日已經冇人記得。
 
 朋友Ernest IP仲創作左首詩︰
 
我係自由閪
需要以街上的磚頭
搭起一幅牆
唔好搞我後面

記你以及
記你的老母
以及同在路上的人
迫不得已
就走來
唱一夜聖詩
然後繼續逗留
沿街拉成一串神經元
傳遞一道訊息
前方急需
頭盔眼罩手套索帶
唔好
唔好搞我後面
出來丫屌你老母
我係自由閪

我唔係話「自由閪」可以有治療所有人的力量,但起碼,佢俾左希望同力量我。的確,我們是站在鮮血上笑,而那些鮮血,我希望我也有份。而那個笑不是指著其他人嘲笑,面是兩個被打到頭破血流的人在他時他地Give me a smirk,相視而笑。

所以我地一定要升級

林鄭月娥必須下台!

撤回逃犯條例修訂;

譴責警方暴力鎮壓市民;

撤回把6.12暴動定性;支持被捕受傷人士追討!!

【秋後算帳?燒你數簿】

屈人暴動,林鄭好行夾唔送;

開槍鎮壓,警察狼死兼犯法;

強推惡法,「暫緩」大話將眼擘。

秋後算帳、白色恐怖,港府已全面向公民宣戰。

6.16 公民應戰維園見!

====================

林鄭莫視103 萬人上街遊行梗推送中法;縱容警方暴力鎮壓無數手無寸鐵既市民,今日仲要毫無悔意,態度甚於豺狼,令人髮指!

送中惡法必須撒回!

林鄭莫視民意必須下台 中止暴政!

因為警方過去一星期過度使用非必要武力,做成多名市民學生記者受傷後到醫院救醫。警方之後派人到醫院拘捕受傷人士,令到部分受傷既市民學生不敢到公立醫院求醫。希望借此機會支持被捕受傷人士追討,為「反送中受傷被捕者人道支援基金」籌款。基金將為衝突中傷者及補人市提供緊急醫療、法律及相關援助。

https://www.facebook.com/events/1081698582036297/

用Like coin支持我,請拍足五下!

發表意見