立場新聞 Stand News

自稱最弱勢候選人 抱怨《大公》少報道 葉劉:勝負投過票先知 至多戰死沙場

2017/1/16 — 14:38

表明有意參選下屆行政長官的新民黨主席葉劉淑儀,抱怨官方媒體報道少、「睇淡」自己的選情。她指對手處於強勢,兩名高官「光環大」,自己是「最弱勢嘅候選人」。然而,她以美國大選和英國脫歐為例,指「民調不等於選票」,揚言真正民意「要投過票至知」。

對於有報道指林鄭將會取得超過七百個選民提名,葉劉則質疑如此一來,候選人就不用面對選民,「咁你會點管治香港?」

自稱最弱勢候選人

廣告

葉劉淑儀今日接受民主黨劉慧卿訪問,表示不同意近日基本法委員會副主任梁愛詩指候選人「四個嫌多」,批評此說法「違反選舉意義」,又稱特首選舉「唔係要做到一個人高票當選」。

被劉慧卿多次問到若民調數字偏低,會否考慮退出選舉,葉劉強調不會,認為棄權「唔可以、唔應該」。葉劉表示自己一定願賭服輸、接受選舉結果,「但一定貫徹始終做完佢。點解我要話,有啲民調覺得低我就要自動放棄?民調唔等於選票。」

廣告

面對兩名司長先後辭職準備參選,葉劉淑儀形容對手都是高官,好強勢,「光環大」,又認為自己「最弱勢嘅候選人」。雖然如此,她揚言會力爭到底,「至多戰死沙場」。

表明不做政治交易

至於若中央以其他公職勸退會否接受,葉劉表示,自己認為「做人最緊要光明磊落、頂天立地」,表明不會進行政治交易,「如果你話我輸,輸咪輸囉,冇乜所謂,我就唔會畀人收買,我個性係咁。」

葉劉又指,政治人物應有決心肯冒風險,「真正嘅政治人物係唔怕坐監甚至畀人打壓,昂山素姬都15年啦,甘地佢哋個個都捱過苦,唔肯捱苦嘅人呢,淨係做交易嘅人,唔係一個真正嘅政治家嚟。」

官方媒體睇淡選情

葉劉淑儀指,親中媒體少有報道自己的落區活動,尤其點名道:「《大公》極少」。她細數近期活動,指上星期去劏房只有《文匯》,見民建聯亦只有《商報》,日前與樂融會會面只有《大公》到場,形容自己「絕對唔會學人哋鋪天蓋地咁去報道某啲人。」但又抱怨這些「官方媒體」「睇淡」自己,令市民覺得「葉劉都係唔得」。

回應民望一直偏低的情況,坊間甚至用「葡萄」來形容自己,葉劉淑儀表示「睇好多,聽慣咗」,並說:「冇乜所謂,好閒啫,得啖笑」。她又以美國大選和英國脫歐公投為例,指「民調不等於選票」,說:「一直都話希拉莉贏㗎,要投過票至知」。

發表意見