楊天帥

楊天帥

心地善良是十分重要的。https://www.fb.com/yeungtinshui/

2019/7/30 - 11:52

致公務員 SECRETS 警:你從不犯法 但又唔畀人講警例 你維護法治 但又反對獨立調查

圖﹕公務員 SECRETS

圖﹕公務員 SECRETS

給在公務員 SECRETS 貼圖訴心聲的警員﹕

廣告

我真心希望你睇到呢封信。
為咗增加令你睇到嘅機會,我投埋呢篇稿畀 G 報。
我盡咗力啦,但佢登唔登我控制唔到。

你既然貼得委任證出來,我知道你唔係假人。
你既然手字寫得咁認真,我知道你有嘢想講。
所以我認真回應你。

首先我講講我哋有咩共通點。
你話政治你不識,逃犯條例唔係你推,你話你從不犯法。
我想你知道,其實你唔識政治是 OK 的,送中條例唔係你推是 OK 的,你唔犯法,更 OK。我支持你㗎。
警察識少少政治係好,但你問我係咪事必要識,我會覺得唔係。所以,OK 的。
文末更 OK﹗你寫,「維護法治,無怨無悔」。簡直道出香港人心聲。唔單止我支持你,我相信抗爭者都會支持你。
你維護法治喎。
其實香港人都係想維護法治咋嘛。
我哋同一陣線。

但其實,你知唔知香港人嬲乜?
其實你知唔知
你寫你從不犯法,但你又寫你唔畀人講警例?
你寫你維護法治,但又反對獨立調查委員會?
你睇唔睇到其實你有矛盾呢?
既然從不犯法,點解唔可以畀抗爭者講警例?
既然維護法治,點解唔可以設獨立調查委員會?
警察哥哥吖,
其實會唔會係,
你犯咗法但你自己唔知?你已經破壞咗法治,但你自己唔知呢?

我唔知你咩背景啦,但我相信你是個會思考的人。
我都好希望你返屋企諗諗,你自己到底講緊乜。
我唔相信一封信可以改變你,我亦唔打算咁做。
我嘅訴求好卑微﹕不如你戴返個委任證,講返警例啦,好唔好吖?
不如我哋一齊守護法治啦,好唔好呢?