立場新聞 Stand News

與其鬧「香港人咪又係咁」

2016/11/4 — 17:28

民陣發起遊行往中聯辦,反對人大釋法

民陣發起遊行往中聯辦,反對人大釋法

【文:林淳軒」

唔知點解今次多左好多人,無論咩派系,都開始鬧緊「香港人咪又係咁」「tmr need work」 「港豬點點點」。

喂阿哥,兩年前 928 七點幾,喺好多人入紅十字會抖緊,黑警係咁射催淚彈嘅時候,灣仔酒吧街一樣爆晒人,中環 ifc 大把人行緊街,又一城咪又係咁多人睇戲,大把人直到清場前都無去過三個佔領區。

廣告

場仗一向都少人打,你打得好咪多啲人跟,打得差咪可能多啲人反你。我敢講有八成行岀來嘅人一開始都係大把人反對甚至斷六親。最初大家都好清楚自己係少數,企岀來只係為左守護自己嘅屋企,為左保住香港呢個地方,等身邊嘅人唔洗受太多苦。

係啊,無咩大智慧可言,人地要返工我阻唔到,我可以控制嘅只有自己。唔好做淆底獸,行岀來去抗爭,就算我決定唔到最後香港會唔會沉淪,我至少決定到自己可以挺起胸膛向前行。

廣告

做個勇敢嘅香港人。

 

原文無題,標題為編輯所擬

發表意見