人在中環 - CK

人在中環 - CK

我係一隻又笨又固執嘅豺狼。著有《人在中年》。

2019/8/27 - 22:15

舉槍的因果循環

728 西環衝突

728 西環衝突

好快就開學了。會有甚麼事情發生呢?

好多人吹話會有警察子女被欺凌,老實講我覺得機會好微。差人咁惡,仲有甚麼福建幫呀、黑社會呀撐腰,大人都唔敢掂你啦,何況細路?

不過有咁多風吹出嚟,可以預期嘅,係「警察子女在校內被欺凌」嘅題材,將會被那些幫乜出聲、乜人乜地呀、文匯大公呀,仲有屈大媽之流大肆「宣傳」。校園內嘅「鬥爭」將會被當權者開闢為另一條重要戰線。借住一單半單所謂嘅欺凌事件,學校會被逼表態,大量教師會被批鬥、徹職,白色恐佈會在校園漫延,影響著絕大部份嘅學童。

廣告

香港嘅家長普遍怕事怕惹麻煩,因此我相信即使心裡怨恨再大,亦唔敢鼓勵自己子女主動對人作出欺凌。不過正正亦係因為怕事怕惹麻煩,加上深藍媒體嘅大肆「宣傳」,我估會有為數極多嘅家長,會不斷提醒子女,盡量同警察嘅兒女保持距離,以免惹起無謂事端,甚至被人誤會。所以,警察子女在校園裡最可能面對的,唔係欺凌,而係被孤立,與及一個冇朋友嘅童年。

我唔知道這些為人父母嘅警察,父愛母愛到底有幾偉大,平日又花幾多時間去陪伴自己嘅孩子。不過孩子如果因為父母嘅職業,或者曾經對大眾做過嘅事而變成孤獨精,變得人見人怕,這種童年陰影,會轉化為對父母的怨恨,與及對某種職業的厭惡。而這種恨,往往是一世的。

你大概覺得我喺度亂講,即使是真,他們也不見得會在乎。只是這個世界因果循環的結構很微妙,當你拿起槍,瞄準你們口中那些曱甴的頭部時,希望你已有心理準備,你和你孩子的命運,也會被這一槍牽進無盡的漩渦和咒怨當中。

 

#因果循環我哋識條鐵
#你哋咁惡邊個敢欺凌
#唔怕俾你屈返轉頭咩
#希望新屋嶺單嘢係集體炒車就好

(標題為編輯所擬)

作者 Facebook