立場新聞 Stand News

范太教「做人應該有腰骨」 有如光頭佬教人護髮

2016/10/21 — 8:58

全國人大常委范徐麗泰,圖片來源:無綫電視片段截圖

全國人大常委范徐麗泰,圖片來源:無綫電視片段截圖

做人應該有腰骨,光頭佬教護髮,雞頭教人守節。

晚上聽電台新聞,聽到范太評論立法會議員宣誓一事。覺得其中有兩句特別有意思。她以教訓的口吻批評說:「做人應該有腰骨,做得出就要夠膽認」。

分開講,兩句我都十分同意。先講第二句,做得出確實應該夠膽認。用D不盡不實的理由作辯解,效果往往適得其反。而且無 guts。

廣告

做人當然也應該有腰骨。但似乎不是「做得出就要夠膽認」的理由。如果話:「做人要老老實實,做得出就要夠膽認」,或者話:「做人要有吉士,做得出就要夠膽認」,可能更合乎語言邏輯。

「做人應該有腰骨」這句話,梗係同意!我相信好多人都明白係乜意思。 不過出自呢位范徐麗泰女士之口,總係覺得有啲古怪。好似見到個光頭佬教人點樣護髮。

廣告

如果我開個course教你哋點樣護髮同防止脫髮,你哋會唔會報名?

⋯總之仲有好多古靈精怪嘅聯想⋯

罪過!罪過!

*   *   *

聽到范太今日教「做人應該有腰骨」,心情特別激動。聯想起幾個月之前,范太曾經同大家討論到「淡泊名利」,可以說同樣是發人深省。

每次聽到范太嘅教導,總係覺得好有意思。如果你揞住范徐麗泰四個字,淨係睇內容,真係可以話字字珠璣。但當你知道原來係范太講,當堂又會有另一個層次嘅體會。佢真係可以話係當代師表。佢教嘅嘢絕對值得一再回味。

好,決定再share多一次,等大家今晚一次過接受范太嘅教育再教育,俾佢嚟個 Double Impact:范太看淡名利?記者有冇聽錯?

 

(文章原刊作者FACEBOOK)

發表意見