立場新聞 Stand News

范徐麗泰:特首入稟阻宣誓是履行職責 《基本法》無講「三權分立」

2016/10/20 — 11:23

范徐麗泰(無綫新聞片段截圖)

范徐麗泰(無綫新聞片段截圖)

曾任立法會主席的全國人大常委范徐麗泰今日指,律政司提出司法覆核,禁止青年新政立法會議員梁頌恆及游蕙禎再宣誓事件,不存在破壞「三權分立」的問題,並強調「《基本法》裡面係無『三權分立』呢件事」。她又指,目前事件在香港法院及立法會正醞釀解決的方法,現階段不需要尋求人大釋法。 

范徐麗泰今早接受傳媒訪問時稱,相信特首入稟覆核議員再宣誓的權利,是基於履行職責,又指《基本法》清楚列明,香港是中國不可分割的一部分,亦不容許任何分裂國家的做法,認為特首今次入稟法院是可以理解。對於民主派譴責特首和律政司長入稟的做法破壞三權分立,她說,《基本法》並無提及「三權分立」,但有保障司法獨立:

「行政長官如果考慮過後,認為佢有咁嘅職責,而入稟香港法院去做,我覺得係可以理解......

上一屆人大常委會委員長吳邦國喺人大會議上,喺香港權的分組討論上,好清楚說明《基本法》裡面係無『三權分立』呢件事。『三權分立』是香港一啲法律界人士講出嚟,但《基本法》係有清晰保障香港司法權獨立於特區政府,所以換言之司法嘅裁決唔應受到香港特區政府影響,或香港任何有影響力人士影響,我覺得指「三權分立」在《基本法》框架內,未必係一個完全正確的說法。」  

廣告

范徐麗泰又狠批梁頌恆及游蕙禎,宣誓兒戲及無承擔,「香港立法會議員嘅水平點解會低落到咁嘅程度」:

「喺宣誓就任立法會議員嘅過程中,用一種兒戲態度,用一種無誠意、無承擔嘅態度,而且出現有侮辱成分,呢啲人個責任最大。而且一開始,做咗之後,回答記者問題時,用各種藉口,包括話『鴨脷洲口音』,呢啲咁嘅說話喺一個候任議員口中說出,令人覺得,香港立法會議員嘅水平點解會低落到咁嘅程度。夠膽做就應該夠膽認,做人應該『有腰骨』,唔係淨係識批評人哋,淨係識得鬧人哋,而從來自己不反省。」

廣告

 

相關報道:無綫新聞商台港台

 

發表意見