立場新聞 Stand News

荒唐事何其多 想像力追唔上

2017/8/15 — 11:00

近日在網上經常看到一個說法,「XXX件事咁荒唐,好難想像,唔信係真,睇到都想笑」。我就想起之前有新聞說美國那些政治劇和諷刺節目編劇說,現在很難度題目,因為想出來的劇情都不及現實政治新聞荒唐好笑。其實現實往往比你想像中的荒唐。

例如新特首CL,成日話唔想再做要去陪仔陪老公,點知就越做越耐兼越升越高。佢做左CY副手5年,竟然好意思講到自己同對方冇關係咁,不斷老吹自己有施政新方向、理財新哲學、教育新資源云云,你又想唔想像到?

又例如阿前財爺JT,一時被人批大花筒亂起大白象,一時又被人批守財奴不肯投資經濟,講果個仲係佢前同事Y君。仲有佢做左咁N年高官,冇要真普選平反六四打倒共產黨,都被人話中央不信任、反中亂港、勾結外國勢力云云,你想唔想像到?

廣告

跟住呢,依個咁既正苦,年年預算案估錯數,工程洗幾錢起幾耐又估錯數,政策幾多人受惠都係估錯晒,同你講高鐵幾多錢效益喎,你信唔信好呀?

立法會議員兩三下散手就DQ左6個、18萬選民意願一夜之間唔存在、今日釋法話昨日的宣誓唔岩、明明話左你可以做議員轉個頭就追你人工。算唔算好荒唐好難想像呀?

廣告

轉講下果班老懵董呀,犯婦人呀,紅唇珠呀甚麼的啦,個個都知佢地以前係跟英國佬或者國民黨架啦,都可以一個屈尾十就話自己愛國愛黨架,好唔好笑呀?

跟住某幾個建制派議員,個學歷又可以好似美X髮彩咁,變學士又得,變碩士又得,變博士又得,甚至依家立法會議員申報表學歷果欄漏空左都得。得左。真係撲朔迷離,變化萬千,你信邊個學歷係真呢何?

仲有仲有,前民主派議員TJ,以前靠反23條上位,又反對一地兩檢果位呢,依家入到行會後就突然兩樣都支持。你信幾時的佢好?

跟住勒,人地攞個諾貝爾獎,就被保外就醫、被火化、被海葬,老婆其實只係個咁岩嫁左比佢既弱質女子,都要被旅遊、被消失、被報平安,親戚朋友去求其一度水邊又唔比,聚會有張空凳冇人坐又唔比,仲要拉人封艇。但依個政府又號稱係超級強國架囉。係咪好荒唐,好難想像呀?

臨尾講返報警。有時我都真係唔 sure 依家班警察係咪可靠。你都見過架啦,佢地公會個阿頭個樣似社團人士多過警察架嘛。仲有呢,佢地又同楊生向太佢地好 fd 架喎,D集會成日有向太撐場同捐錢。同埋,大佬,當日習總黎到都唔信佢見到果班係香港警察,以為係香港公安啦。你唔係唔信習總呀嘛?

5年前,你想唔想像到香港變得咁荒唐?成班所謂社會精英權貴將香港搞成咁?廿年前講跨境執法肯定嚇到大家死,依家竟然咁多人話好正常,仲笑你大驚小怪,甚至話共產黨咁 nice 唔會咁做既。我就想像力追唔上啦,不過都知有人追得上,就係廿年前已經話「不是香港的自主權會被北京剝奪,而是這項權利會一點一滴地斷送在香港某些人手裏」的肥彭。真係要學下野。

作者博客

發表意見