立場新聞 Stand News

落區飲奶茶 稱為市民反應感動 林鄭:非一人一票但像「直選」

2017/1/20 — 18:17

特首參選人、前政務司司長林鄭月娥今早落區,到南區接觸市民,期間到茶餐廳飲奶茶。林鄭稱市民反應正面,令她感動,又指雖然今次選舉不是「一人一票」,但好像「直選」一樣,指市民都關心特首選舉,不吝嗇表達對參選人的評價。

林鄭月娥今早落區,多家傳媒沿途拍攝,有市民與她合照和主動上前握手。林鄭月娥第一站去香港仔,到香港仔石排灣邨,離開石排灣邨後,團隊坐船前往鴨脷洲,有到茶餐廳飲奶茶;南區區議會副主席陳富明及林鄭競選辦成員,亦有陪同林鄭落區。林鄭月娥指市民反應正面,令她感動,「我好感動呀,因為其實呢幾年我好多時候落區,好少話以個人身分接觸市民」。

見到市民關心特首選舉

廣告

她又指出,對政改之前被否決感可惜,否則今次選舉可一人一票,更有意義,她表示:「雖然呢一場選舉唔係一人一票,但都好似直選咁,你見到個個市民嚟到都關心緊呢場特首選舉,大家都知道儘管冇票,但係都唔吝嗇去表達對於我作為一個參選人,相信亦都係往後對於其他參選人的評價或者反應。」

至於另一名特首參選人曾俊華盛傳被中央勸退,林鄭則稱家人曾勸退自己,「我唔能代阿John(曾俊華)去答呢個問題,不過我都被勸退,我畀我老公同埋兩個仔,勸咗而家兩個禮拜:『你唔好做呀,真係唔好做呀,諗吓。』所以我諗每個人都有呢個心路歷程,身邊朋友、親戚對於我又好,阿John又好Regina又好,作出一個咁重大的決定呢,佢哋出於關心呢,都會畀我哋有啲睇法,但最終的決定都係我哋每個人自己作出」。

廣告

回應「休養生息」 林鄭:要審慎處理

林鄭亦有回應曾俊華「休養生息」的說法,她指:「政改的工作,係好消耗主事官員的精力,亦都係無可避免為社會帶來咗一啲紛爭。如果而家有人講話想休養生息,咁呢個真係要好審慎嚟到去處理。」曾俊華昨天宣布參選時表示,下屆政府主要工作是「休養生息」,推動經濟民生工作,贏回社會信任。

被問及人大831決定,林鄭表示,今屆政府以20個月推動政改無功而還,「下一屆政府有一定的信心先可重啟政改,信心建基於社會和階,唔好太多兩極化意見,內地本港互相理解」。

至下午1時許,團隊坐港鐵返回灣仔。

 

(相關報道:NOW/蘋果日報/明報

 

發表意見