立場新聞 Stand News

董建華用歪理撐袋住先:英國民主路700年 美國黑人多年才有投票權

2015/4/29 — 14:32

政協副主席、前特首董建華下午見記者撐政改,他又以英國、美國民主進程為例,稱英國大憲章以來,七百年後方有普選,又指美國多年來限制婦女黑人投票權,似是認同美國當年限制婦女和黑人投票權是合理做法。董建華續指,1997年之後,廿年可實現普選,是「好快嘅進程」,「1997年,400個人投票選咗我出嚟。到2017年,20年嘅時間,20年嘅時間,香港就可以普選特首,係一個好快嘅進程。」

董建華部分發言節錄:

我想講講大憲章,Magna Carta喺英國。1215年,英國王室、教會同其他精英,制定憲章出嚟,首次限制王室權力,1215年為民主跨出一大步,結果19世紀,先可以有普選,嗰啲普選係好狹窄嘅普選,所以一個民主路程做咗700年,Seven hundred years,唔係七八年。喺美國,1789年有憲法,但到1929年,女性先可以投票,嗰時你哋(指在場女性)唔可以投票,黑人呢?到1964、65年(才有權投票),嗰時我人係美國。

所以(民主)路程係好長好長,其實,我想講咩嘢呢?喺美國同我哋朋友傾計,佢哋話我哋民主仲有好多缺點,民主路程永遠都無終點,無最完美的民主,到今日為止,全世界都無。
廣告

董建華批評,部分泛民大聲疾呼無「公民提名」便不符合「國際標準」或真普選,是誤導市民,強調世界上不存在初選候選人的「國際標準」,而在人大決議下的方案,才是合憲、合法、合情、合理的真普選。他又指,任何自由民主文明進步社會,雖然每人立場不同,都有不可動搖基礎,就是大家必須遵從憲法及法律,故必須符合8.31決議及《基本法》,否則不會有共同基礎,影響香港安定及繁榮。

董建華強調,如果今次政改方案被否決,只會令一人一票選特首的機會變得遙遙無期,令香港已經嚴重的內耗加劇,令全港都輸。他又稱,今次政改不是終局,而是邁向一人一票選舉的起點,合憲合法、符合國情及香港自己情況,為香港未來發展政制提供了堅實基礎。

廣告

對於有部分民意調查顯示,政府的方案支持度少於一半,董建華稱,自己早就學到一件事,民調是「信不信由你」:

「我在1997年開始後,對民調結果都相當關心,我早就學到一件事,信不信由你,你問咩可以得到咩結果,最重要是,你正正當當咁問,然後得到正正當當的回覆先好。」

他又稱,政改方案被否決,普選就會變得遙遙無期,他擔心中港互信問題會受影響,而香港的內耗情況至此,要再推動2017年普選如何會成功,反之方案通過,則可以再改進日後的普選,亦可推動立法會選舉方式改變。他說,真的不明白泛民是如何「計數」。

記者會期間,董建華又被亞洲電視記者追問,他8個月內第4次見記者,「會對香港有幫助,還是會為香港添亂?」董建華回應指,希望自己不會為香港添亂,「我出現咗唔少次數,其實我真係好關心香港,我係香港人,睇住咁發展下去內耗、爭爭吵吵,我係好擔心,所以我好想將我感覺同大家分享......」

對於政改方案最終會否有讓步空間,例如白尾守尾門,或者公司票轉個人票等,董建華引述基本法委員會主任李飛指,視香港實際情況日後可作修改。至於為何說今次政改不通過,普選就遙遙無期,董建華稱「答唔到你呢個問題」,只稱如今次不成功,下次亦不可能成功,但假如今次成功「結束內耗」,可以繼續做下去,「我真係唔明,我真係唔明,泛民筆數係點計」。

 

 

 

發表意見