立場新聞 Stand News

蔣麗芸咒陳志全殉職 楊岳橋:百無禁忌,不如先畀帛金

2016/4/27 — 18:31

立法會正審議《2016年撥款條例草案》,就法治、管治、選舉及地區行政範疇進行辯論。對於幾名泛民議員提出的數百項修正案拉布,民建聯蔣麗芸發言時以11分半鐘大加批評,指「反對派」議員「左手收黑金,右手揜良心」,應削減他們的薪酬,又批評人民力量陳志全建議削減消防處開支,著陳志全去當前線消防員,若他殉職,她會出席其「告別儀式」。但被其後發言的公民黨楊岳橋「秒殺」。

在今日會議的修正案辯論中,人民力量及社民連等議員提出削減某些政府部門及職位的開支,蔣麗芸發言時,建議「應該將一啲畀狗食咗良心、無事生非、有會唔開、故意拉布、阻礙民生、左手收黑金、右手揜良心嘅反對派議員酬金刪減!我相信,市民一定會大力支持。」

對於陳志全的修訂案,她指「即係叫政府執咗消防處啦!」認為會令消防處無法運作,令市民生命財產受到極大威脅。她又稱,不知陳志全是否想包辦以後救火工作,認為「陳志全議員放火佢就叻,搵佢救火就唔好指意喇」,但又稱「既然佢唔知道消防員嘅工作咁艱辛,不如消防處就畀個機會佢加入前線工作,有乜嘢就叫佢行先,萬一因此而殉職,我蔣麗芸一定會出席佢嘅告別儀式!」

廣告

其後發言的楊岳橋,甫發言就回應蔣麗芸的針對陳志全的言論,首先指出香港人不稱「告別儀式」,而是用「喪禮」,揶揄她「告別儀式」的說法語意虛廢。楊又指,議事堂百無禁忌,因此建議蔣麗芸不如提早付陳志全帛金,「早啲畀,畀多啲,年年畀,月月畀,咁就唔會再出現蔣麗芸議員口中嘅『黑金』喇。(對比『帛金』的諧音『白金』)」。

廣告

發表意見