立場新聞 Stand News

藍絲大叔是如何煉成的?

2019/6/15 — 13:26

資料圖片,來源:Alice Cheung @Pixabay

資料圖片,來源:Alice Cheung @Pixabay

依幾個星期擺街站,大部份途人都反送中,但很多藍絲大叔經過都罵我們。近日好多青年擺街站,令人欣喜,但亦見到他們被這些藍絲中年人士招呼,破口大罵。究竟藍絲大叔是怎樣鍊成的?

我估這些中年人士,上了一定年紀,都傾向想「穩穩定定」。一係就已有公屋,一係已有層樓,亦長期睇 CCTVB,民主派及年青人被塑造到「搞亂香港」,好似會影響佢哋「穩定」的生活。所以,其實都真係要在家中裝收費電視,在家中 loop 有線及 Now 的新聞,好過睇香港中央電視台的新聞。

另外,就係要想辦法斷絕他們接觸建制派衛星團體的機會。各位仔仔女女,多一點番屋企食飯,忙還忙,玩還玩,多啲陪屋企人,唔好俾建制派乘虛而入。

廣告

若你唔去和父母飲茶,他們便去免費建制團體的平價茶聚。而科技日新月異,也可教下父母用手機各項功能,千萬不要串父母 IT 水平低,若你唔教佢,佢就走咗去建制的長者手機班。

其實,講咁多,都係想講,父母和大家血脈相連,你能夠保持和他們良好關係,點都會聽你講幾句。他們亦需要你的關心,父母同你講緊嘢,就唔好篤電話了。建制派一路的策略,就係向中年及長者提供「關心」,然後不斷在活動中向中年人灌輸「泛民收錢示威」、「青年人搞亂香港」等訊息。

廣告

你能成功說服家中藍絲父母的機會,一定大過在街站說服藍絲大叔的機會。係㗎,關係要經營,但關心父母是兒女應盡之義,絕非建制派以選票為目的而提供關心。

青年人能夠有能力衝出馬路,在星期三早上佔領馬路,其組織及勇氣令人動容。誠然,無論今次反送中,或日後的各式選舉,小戰場一直在自己家中。就由今晚開始,多些返屋企食飯,並在飯後向父母說聲煮得好味,並在今個星期日中午和父母飲茶,然後嘗試解釋點解要去遊行。又或者豪啲,買部新手機俾佢,換走佢部小米及華為。

要街上的藍絲大叔減少,就要靠各位仔仔女女。再次多謝星期三早上衝出各條馬路的年輕人,是整個反送中運動的轉捩點。有你們,是香港的榮耀。

 

作者 Facebook

發表意見