立場新聞 Stand News

蘇永康繼續開火 籲梁游「快啲醒覺」 稱「港人講地」留言非自己 疑帳戶被侵

2016/12/2 — 14:35

歌手蘇永康近日發表生兒不做「梁天恆」論,引來滿城風雨。他接受《蘋果日報》電話訪問時繼續開火,質問青年新政梁頌恆、游蕙禎在立法會高呼「支那」,「有冇顧及到全中國所有華人嘅感受」,又呼籲二人「快啲醒覺」。

「希望佢哋快啲醒覺」

蘇永康在訪問中強調自己沒有錯,又指社會大部分人都認同其意見。他稱昨日到油站入油,亦聽到有人稱「阿公,你真係講得啱,嗰兩個𡃁仔真係乜乜物物」。他表示:「年輕人應該畀機會,但希望佢哋快啲醒覺。我始終都係維持嗰句,背祖忘宗、分裂國家係唔做得㗎!」

廣告

他亦留意到有人批評他未有顧及二人父母感受,「咁又確係嘅。人哋父母嘅感受事實上要去諗一諗。但我想問下,當嗰兩位年輕人孭住塊藍布衝入立法會,高呼『支那』、『HK is not China』嘅時候,請問佢兩位有冇顧及到全中國所有華人嘅感受呢?」

對於他所指的「梁天恆」,究竟是指「梁頌恆」還是「梁天琦」?蘇永康解釋道:「兩個都係嗰喳,所以我mix up咗。」

廣告

蘇永康否認網上留言 疑FB帳號被入侵

另外親建制網媒「港人講地」在昨今兩日都有報道蘇永康的言論,並呼籲網民「畀Like」。蘇永康其後更在「港人講地」中以個人帳戶「William Gung」回應與網民開火。對於被網民指「吸過毒特別愛國」,蘇永康反擊指:「咁請問唔吸毒係特別喜歡仇恨分化?」

另有網民揶揄:「希望佢個仔第時唔好學佢吸毒就好啦。」蘇永康的帳戶反斥:「如果妳下一代吸毒我希望佢可以像社會大眾般給我機會,而唔係過咗十五年仲提!」不過蘇永康回覆明報查詢,稱一向不會用個人帳號留言,亦不知有「港人講地」的專頁,強調留言亦非他所寫的,懷疑帳戶被人入侵。

發表意見