立場新聞 Stand News

被一班粉腸主宰的生活

2015/6/25 — 18:03

花生還花生,其實十分可悲,因為喺冇民主嘅制度下,我哋就係俾班咁嘅粉腸主宰我哋嘅生活/命,呢班人:

一)水平極低,搞壇「拉隊走」搞到甩甩漏漏,連Whatsapp都唔多識用,用反光貼都要人提......
二)手法卑劣,放料篤灰,仲要係一鑊熟出賣「隊友」(雖然佢哋係各懷鬼胎,冇乜隊唔隊友可言;而且作為市民,好樂見呢種建制派篤灰行為);
三)死不認錯,作埋啲「等埋發叔」嘅藉口屈人,又死唔肯「道歉」(王國興)!
四)愚弄支持者,令到佢哋到表決當日仲唔知道要2/3贊成票至可通過(梁美芬),亦令我哋見到身邊盲毛何其多!
五)愚弄市民,繼續語言偽術(曾鈺成),明明吹「黑哨」,參與策劃如何將表決時間推至最「理想」嘅時段,更積極俾意見,號令「黨團」應否發言,咁叫冇違反作為主席嘅操守?話陳偉業係「賊」,話「講吓笑啫」就想解圍?
六)當市民係死,爆咗單咁嘅嘢,都係冇人會道歉,繼續一副「你吹得我漲牙」嘅德性,睇死你班市民惡唔出樣!

廣告

我覺得今年七一要將呢鑊嘢發大,唔好由得花生食完就算!

 

廣告

標題編輯所擬,原刊於作者 facebook page

發表意見