立場新聞 Stand News

被質疑虛報法學士學歷 何君堯直播反擊:你唔好理我出處 總之唔係野雞

2016/8/25 — 10:39

立法會選舉新界西候選人、律師兼屯門區議員何君堯,近日被網民質疑虛報學歷,指何在網頁上報稱,「1984年畢業於英國州瑪高等教育學院(即現今的安格裡亞魯斯金大學)取得榮譽法律學士學位」,但州瑪高等教育學院(Chelmer Institute of Higher Education)是「連Polytechnic級數都未到,同IVE差不多雞」,並不等於安格利亞魯斯金大學(Anglia Ruskin University)。

何君堯昨晚在Facebook直播反擊,但未有明言自己的學歷,只稱「你唔好理我出處係邊度,總之就唔係野雞。」又叫質疑他學歷的人「如果你批評我嘅,你望吓你自己個學歷喺邊度先...你對社會嘅建樹喺邊度先」。

有網民日前在Facebook首先指出,安格利亞魯斯金大學在英國大學排名中,只排名127間大學中的第108;其後又指,根據安格利亞魯斯金大學網頁資料,該大學是在1992年才成立,1979-1984年間根本沒有此校;該名網民又指,「1991年由幾間院校合拼成 Anglia Polytechnic,1992就升格university??? 當然是要趕在英國全面升格Polytechnic去university 前混水摸魚,把幾間垃圾院校變身university」。

廣告

該網民質疑何君堯當年所獲的學位不是學士學位,而是專上教育文憑,直指「何君堯讀的不是大學,是野雞大專(IVE級),但虛報是大學頒的學位!」

何君堯在昨晚的直播中稱,「香港嗰種低層次嘅政治就係咁,專係掘下你啲舊料」,又不點名批評質疑他學歷的人,「因為佢有心理上嘅缺憾,好鍾意搵人哋啲弱點嚟攻擊,但係佢唔會喺人哋好處裡面諗好嘅嘢,只不過會喺屎坑裡面,專諗埋晒啲屎橋」。

廣告

他強調,「我係LLB(法學學士學位)畢業,你唔好理我出處係邊度,總之就唔係野雞。OK?亦都係返嚟香港大學讀我自己嗰個法律專業課程,我亦都合咗格,係咁簡單。」

何又叫質疑他學歷的人,「如果你批評我嘅,你望吓你自己個學歷喺邊度先...你對社會嘅建樹喺邊度先」、「唔好立亂喺度挑機啦!早啲抖啦」,以及「呢啲人好嘢唔去做,專係做埋啲冇建樹,諗住爆陰毒,最後爆死自己啫」。此外,何君堯回覆《香港01》查詢時稱,如果有人發現他虛報學歷,可以報警。

發表意見