立場新聞 Stand News

補選不會為任何人站台 梁天琦:不想即時還押 無法於前線對抗釋法 好對唔住

2016/12/3 — 12:53

梁天琦(資料圖片)

梁天琦(資料圖片)

本土民主前線發言人梁天琦接受now新聞專訪,回應宣誓爭議及釋法事件。他表示未來即使有補選,他和本民前都不會參與,也不會為任何人站台,「助選、endorse(支持)人,應該唔會。」梁形容,今次已辜負很多選民對他的期望,「是反省的時候,而唔係死纏爛打。」

對「Plan B」青年新政梁頌恆、以及他支持的九龍西游蕙禎,最終失去議席,梁天琦如此回應,「呢個係我要付出的代價,既然我無留係立法會入面,同佢哋共事,而係畀咗立法會自主權佢哋,最終得出呢個結果,要共同承擔。」

但梁天琦也指出,梁游兩人要付出很多,「我相信,無幾多人會在宣誓一刻,或宣誓一兩日係會預算、估計中共會釋法。」

廣告

對於一直未回應宣誓事件,梁天琦指出,若然反抗人大釋法,「一定要鼓動或鼓吹更多人反抗。」

有案在身的梁天琦形容,若要鼓吹更多人出來,自己卻無法走在最前,故選擇一句說話也沒有講,「咁未同我以前鼓吹嘅嘢唔同。咁未叫人去做自己唔做。所以唔想咁樣。」

廣告

梁天琦說,「若然要畀答案的話,就係我懦弱,我唔想而家就要即時還押,好對唔住,做唔到大家期望我能夠做嘅事,我無負到呢個責任,企在前線對抗呢次釋法,我今次選擇咗自己。」

梁天琦在旺角騷亂中,被控兩項參與暴動罪及一項煽動暴動罪,正在保釋階段。 案件將於2018年1月在高等法院審理。

發表意見