假才子

假才子

比較政治碩士學歷,現為傳媒工作者。「假才子」是因為現在流行才子才女,但又沒人敢承認自己是假大空才子才女,故先行澄清。文章寫得不好還請見諒,畢竟我不是真才子。

2019/1/15 - 13:26

親中派會嬲嬲豬?係咪太睇得起人

圖片來源:民建聯片段截圖

圖片來源:民建聯片段截圖

長者綜援提高領取年齡,事情近日引起關注後,各方議員加入圍抽政府,但特首林鄭一句「係你哋批准㗎」就將親中派議員全部 KO。有人說親中派議員會嬲嬲豬,筆者就覺得,你係咪太睇得起親中派,定係 too simple sometimes naive。佢哋係冇靈魂冇思想冇感情的軀殼,用三個字就係行屍走肉,行動全聽趕屍師父下令。所以就算佢哋真係對林鄭有一丁點怨言,西環一出四個字急急如律令,佢哋就全體歸位做返舉手機器。大家無需有半點懷疑或憂慮,一切終將如常運作,everything under control。

講返林鄭「係你哋批准㗎」依個邏輯都好有趣。就好似 DQ 本土派咁,邊年邊月邊日 FB 講過句咩都會被 DQ 主任找返出嚟批鬥。我就諗啦,咁例如政府的工程超支要追加撥款,議員是否可以用「我哋批准過一次㗎」或者「條數係你哋計過㗎」reject 呢?林鄭政府有新政策推出,而且係要推翻原有政策時,是否可以用「根據集體負責制,你以前做梁/曾政府時批准㗎」或者「你以前做社署署長時冇反對過㗎」反駁?更加唔洗講依家幾多土地問題(e.g. 新界土地/村屋僭建)同社會政策問題係同佢依位前發展局局長/政務司司長有關,仲有佢講過幾多次要退休返英國陪屋企人都走數。當然仲有,當年做官宣誓過效忠英女王,或者曾為港英服務,或者家人行使過居英權做王民(英女王子民),又點計呢?

 

廣告

作者網誌