立場新聞 Stand News

【誤會未息?】鄭松泰怒轟梁天琦馮敬恩 令教主辛苦「戇鳩」無視大局 梁非候選人不應論壇發言 僅廿餘歲勿焦急

2016/8/29 — 13:34

繼九龍西黃毓民後,熱普城陣營再有候選人向「本土民主前線」梁天琦開炮。儘管梁天琦日前已表示只是溝通誤會、他支持「熱普城」的港島區候選人鄭錦滿,但出戰新界西的「熱普城」另一候選人鄭松泰,昨晚在網台節目開腔,怒批為「青年新政」助選的梁天琦及前港大學生會會長馮敬恩,斥責他們不應在九龍西落區助選「搞教主」是無視大局,以及不應在各區選舉論壇上為青政候選人站台發言。

在九西選情吃緊的黃毓民,早前在Facebook直播批評梁天琦,指他沒有協助出戰港島的熱血公民成員鄭錦滿,卻為青年新政游蕙禎助選,「不知這是什麼政治倫理」、「未學行先學走,未做議員先做政棍」,令他十分失望。梁天琦凌晨在Facebook回應,稱只是「誤會」,又強調鄭錦滿是值得支持。

狠批梁天琦水平低、戇鳩

廣告

鄭松泰狠批梁天琦「水平低」、看不清大局、沒有理論內涵及分析能力,強調熱普城五區候選人必須當選,否則「死㗎啦香港」,又指今屆是黃毓民最後一屆參選,提及時更哽咽,怒問他們為何「要令教主咁辛苦呢」,並指梁天琦及馮敬恩二人「戇鳩」。另一主持嘗試糾正指鄭是指泛民水平低,鄭否認並繼續痛罵本土派「後浪」:

如果大家係望一望個大局,你會發現,熱普城呢五個入唔到去嘅話,死㗎啦香港。喂而家係最大能量嘅一刻嚟㗎!…大家記得我嗰三點呵?熱血時報、城邦論、仲有一樣嘢,政治能量啊。今屆係毓民,(哽咽)喂肯定係最後一屆啦,你哋唔撚明咩?點解我哋會咁嬲唧?

對住天琦、對住Billy,喂係我哋同輩或者後輩嘅,我哋一直站喺一個公道上嘅角度,去推進成個運動,但係你如果有少少、一個理論嘅內涵,你有少少分析能力,你就知道,要推動呢個運動,冇黃毓民係唔成事㗎。咁點解你要令到教主咁辛苦呢?你哋係咪戇鳩㗎?你哋班人。

廣告

稱要清楚大局:無黃毓民,一國一制好耐

鄭松泰表示,要清楚大局,沒有黃毓民就沒有全民制憲運動,香港更會一早變一國一制:

我哋清楚個大局,就係冇毓民就冇今日嘅全民制憲運動,呢個唔係毓民嘅心願咁簡單,而係現實,響我哋香港嘅政壇,無黃毓民,香港就一國一制咗好耐啦。議會抗爭,你睇社民連嗰啲,食屎啦去。

你哋明唔明究竟點解咁著緊唧?係因為你水平低啊!明唔明啊?(另一主持:泛民!泛民水平低,佢意思係)唔係泛民水平低!而係我哋以為,我哋嘅後浪,係有能力去見到大局,點解要支持五區公投全民制憲,點解熱普城係要五個入晒去,我哋以為大家有咁嘅能力睇到個局勢係咁樣。

「你急咩唧?... 你哋廿幾歲」

鄭松泰又指,梁天琦陣營人士只有二十多歲,不應如此焦急,又指若熱普城五人均當選,發動辭職公投之時便是「你哋嘅世界」,不應現在與熱普城爭鬥:

喂,你急咩唧?我哋五個入咗去真係入到,兩年之後補選,咪係你哋嘅世界囉,我三十幾歲,同你哋廿幾歲比,十年,肯定係你哋嘅世界啦。鬥咩呢?

斥梁不應論壇發言 「你話你梁天琦指吓個鼻就得啊?」

鄭松泰不滿梁天琦本身並非候選人,卻在選舉論壇中,代「青年新政」候選人上陣作總結發言,質疑此舉不符「程序公正」。鄭松泰強調,自己並非是想與梁馮二人「嗌交」,指自己是「做大事嘅人」,著眼的是「國家」及香港的「天下」。

我哋以為我哋同道嘅人智慧係足夠,理解緊點解我哋要推動全民制憲,但係響呢兩個禮拜,唔撚係囉,我都忍住冇開拖啦選舉論壇,有咩理由天琦嚟新界西,喺有線論壇出嚟做總結啊?

喂你問心啦。你落九西搞教主,你覺得我新西好穩陣啊?係咪?你自己用腦諗吓都係啦,你落去做咩呢?你憑啲乜嘢喺有線論壇出現吖?你又唔係候選人,你點樣可以發言呢?我唔同你講道義,淨係同你講程序公正。你唔係候選人,有咩能力可以發言?唔通何君堯要選,搵梁振英落嚟幫佢拉票啊?講唔通㗎嘛。你話你梁天琦指吓個鼻就得啊?講唔通㗎。道理唔係咁㗎。

喂我鄭松泰冇優點,得一樣嘢唧,比較公道少少我做人。喂我淨係呢樣嘢我睇唔過眼。喂,我過咗選舉論壇我而家先講返出嚟,做晒㗎啦,選舉論壇。你問一樣嘢嘞,跟住去到新東,國師個論壇,有咩理由你天琦Billy一齊響嗰度呢?你哋鬥咩呢?

被選舉主任以「不能信納真正改變了港獨立場、認為其無意擁護基本法」為由,取消參選資格的梁天琦,在今次選舉中,支持以「梁天琦Plan B」名義參選的「青年新政」梁頌恆(新界東),以及青年新政其餘兩名候選人游蕙禎(九龍西)、黃俊傑(新界西)。在有線新聞的電視論壇上,梁天琦曾代青梁頌恆及黃俊傑作總結發言。

有線新聞台舉辦的論壇,允許候選人團隊成員而非候選人本人發言。在九龍西論壇中,二號候選人何志光,邀請曾與黃毓民關係密切、人稱「維園阿哥」的任亮憲發言,廣受關注。

「我哋做大事嘅人,睇緊係個大局」

鄭松泰又指,熱普城眾人是做大事的人,關注大局,不是要與梁等人「小學生嗌交」:

喂所以點解我哋咁心痛,尋日大亨(音)嘅發言,係會話咁辛苦、咁心痛呀教主,佢心痛嘅,唔係講緊教主完成唔到心願咁簡單啊,而係教主每次每次都睇錯人、令佢失望啊。你哋明唔明㗎唧?即係所以,喺街頭,喺街頭,費事,好多街坊唔知咩事。

(…)唔係講梗相嗌唔好口呢啲咁嘅嘢啊,OK?冇人同佢哋嗌交啊,唔好意思,我哋做大事嘅人嚟㗎,我哋睇緊係個大局㗎,我哋唔係喺度睇緊,同你喺度小學生嗌交啊,唔係話叫你嚟撐場,影兩幅相就算數嗰種啊。

大局唔係咁㗎!我哋係睇緊個國家啊,我哋睇緊香港嘅天下。所以,九月四號,咁多位聽眾、咁多位支持者,大家冇得講㗎啦。請大家呢個禮拜,盡做,盡做,大家幫幫手。

上述選區其他候選人名單,詳看《立場新聞》立法會選舉專頁

發表意見