立場新聞 Stand News

談洗腦

2017/6/23 — 20:43

資料圖片:張浚生

資料圖片:張浚生

編按:港台節目《頭條新聞》播出專訪前新華社香港分社副社長張浚生的片段。張浚生批評佔領中環發起人、港大法律系副教授戴耀廷,指戴的「心一直沒有回歸過」,在學生時代已被洗腦反對基本法起草,後來又去洗別人的腦。張浚生又認為,參與佔中的學生,有被人誤導之嫌。

對於「洗腦」呢味嘢,有啲唔係幾明:

問題(一):
呢個人比共產黨洗咗幾十年腦;
自己以共產黨高官嘅身份又洗咗人民幾十年腦;
依家,佢竟然指責一個香港嘅書生「被人家(應該指殖民地政府啩)洗了腦,跟住就去洗人家的腦。」

廣告

如此說,戴耀廷豈非和他是同一類人?他是要指責自己嗎?

問題(二):
回歸20年,中共及特區政府日日發動宣傳機器洗香港人腦喎!學校日日升國旗唱國歌喎!
電台電視日日播片播音喎!
仲有好多嘍囉、高官、民建聯、經民聯、愛字頭、鄉紳、俊傑、梁愛詩、董建華、⋯之流,一齊唱和聲喎!

廣告

咁疊馬,點解會頂唔順戴耀廷一個人?(或者少數無乜資源嘅反對派)

問題(三):
係唔係話以前英國人啲洗腦效果好勁?

問題(四):
係唔係話中共政權及特區政府啲洗腦工作十分差勁?

問題(五):
依家最唔認同自己係「中國人」的係「年輕世代」,只得3.1%。佢哋大部份都係特區成立後才成長的新世代。

點解中共政權越係要洗佢哋個腦,佢哋就越唔 like 中共及特區政府?

問題(六):
點解張𠗕生及一眾嘍囉個腦容易俾中共洗?
點解中共用盡飲奶力去游香港人個腦都冇用?
唔通香港人個腦係特別構造,只係俾英國人洗,只俾戴耀廷洗,唔俾中共及其嘍囉洗?

結論:

a.張𠗕生自己做咗奴才幾十年,十分唔潤香港人,特別係啲後生仔不願意仿效佢做中共的奴才。

b.要全面為香港人,特別後生仔換腦,好似換身分證一樣。

c.或者係:
戴耀廷之流有特異功能。

d.又或者:
中共政權對香港人的洗腦工程十分失敗。張𠗕生之流及上述一眾人等,全部要寫檢討及悔過書,甚至要𢯊入秦城面壁思過。

e.any combination of the above

 

(標題為編輯所擬;原刊於作者 facebook

發表意見