立場新聞 Stand News

謝志峰自比「看門狗」 喻監察當權者 正義聯盟讀得書少起哄盲批 

2015/7/24 — 18:29

正義聯盟 Facebook 片段截圖

正義聯盟 Facebook 片段截圖

正義聯盟 Facebook 片段截圖

正義聯盟 Facebook 片段截圖

以李偲嫣為召集人的正義聯盟,昨日聯同約10名身穿清朝服飾的成員,到香港電台示威,不滿港台作為政府部門卻經常批評政府。成員今日把上載昨日的示威片段到多個親建制Facebook群組,當中一段顯示成員包圍《城市論壇》主持謝志峰來指摘,其間謝志峰試圖解釋記者要罵政府的原因,是記者作為「看門狗」,聯盟成員一聽即如獲至寶地譁然,批評謝侮辱同業,顯示他們毫不理解傳媒作為「看門狗」(watchdog)的深層含義。

廣告

在昨日的示威活動中,身穿太監服飾的李偲嫣帶同一眾穿著清裝的成員,以街頭劇揶揄港台諷刺時弊的電視節目《頭條新聞》中的一個環節,其間遇到謝志峰,便包圍他質問作為記者為何經常罵人。

李偲嫣又反問謝志峰,「做記者大晒咩?」並自爆「我以前都係記者嚟。」謝聞言大驚,問「係咩?喺邊度做呀?」李卻稱,「唔需要話畀你聽,你夠薑就自己查」。李偲嫣續向謝表示,她很多朋友以前都很喜歡謝志峰,但覺得他愈來愈「走火入魔」,質疑他「唔知係咪收咗錢」,謝志峰即坦言,「我梗係收錢啦!收香港電台錢囉」。

廣告

最後,謝志峰再次嘗試認真解釋為何記者要罵人,李偲嫣卻繼續連珠炮發,謝問她可否讓他說下去,連後面的正義聯盟成員也表示「畀佢講」,但李愢嫣卻稱,「平日你夠渣住個咪講咯,我而家係唔鍾意聽你講,走咯,做咩要聽佢講啫,垃圾」。

其實,西方傳播界會自比「看門狗」,喻意傳媒的功能如同凶狠的看門狗,在採訪公共事務上,密切注意公眾人物的言行,掌握社會機構的運作,隨時揭發任何可能的舞弊、貪污、掩飾的事情,以維護大眾的「知的權利」(people's right to know)。

以下是謝志峰和李偲嫣的對話節錄:

李:點解你要鬧人?你嘅職責係受薪嚟鬧人㗎?

謝:係呀。

李:哦~哦~ 佢認咗喎,難得!咁你就抵死啦,謝志峰!

謝:點會呢?

李:點解唔抵死呀?

謝:鬧人點會抵死呢?

(後面一眾大叔大嬸各自發言...)

謝:記者呢,就叫做「看門狗」...

(周圍成員不等謝說下去,就指住後面的記者:「嘩!佢話你哋係狗喎!」)

李:哎吔~佢話自己係看門狗呀~

拍片大叔:你自己係咋,其他人唔係呀!唔應該侮辱同業...

清裝大嬸:呢啲說話咁侮辱人,都冇文化嘅!呢啲唔係我哋香港嘅文化。

(其間謝欲解釋,但眾人沒有理會,又或者講其他東西打岔)

發表意見