立場新聞 Stand News

警古合作,幾有意思?

2019/7/22 — 15:03

《蠱惑仔 3 之隻手遮天》截圖

《蠱惑仔 3 之隻手遮天》截圖

同大家一樣,睇到元朗發生咩事,除咗憤怒之外,無咩好講。

我之前仲諗,無論點都好,政治紛爭,唔應該影響唔同人之間嘅溝通。

我終於堅持唔到我呢個立場。

廣告

我用咗啲時間消化咗我憤怒嘅情緒,都依然覺得,如果你地認為喺元朗嘅警察,仲稱得上係警察的話,唔好意思,你已經失去曬人之所以為人嘅道德良知,我無辦法同你有任何交流。

元朗嘅警察,前前後後,同黑道人士合作,任由無辜市民被毆打至血流披面,之後仲要威風四面咁扮曬無辜,連最低級嘅爛仔都不如。

廣告

我諗起幫何君堯宣傳做勢嘅惠州市政協委員陳小春,飾演山雞,喺《蠱惑仔 3 之隻手遮天》入面,對住牛雄講嘅一句說話:「警古合作,幾有意思。」

本來山雞仲叫對方慳啲,不過我相信何君堯聽到之後,覺得做得過,立刻採納意見。估唔到一句咁嘅對白,做戲咁做,呈現俾大家睇,香港嘅情況,已經比起電影更不可思議。

此時此刻,我為自己許下一個諾言:香港呢個仆街政權一日唔倒下,我都會竭盡所能,用盡我僅有嘅時間同精力,奉陪到底,同你鬥長命。

勾結埋德國外國勢力又點話。

請留德華們一起努力!

作者Facebook

發表意見